“Manchester Siti” jamoasi o‘zining iqtidorli yarim himoyachisi Fil Foden bilan shartnoma uzaytirishni rejalashtirmoqda. Bu haqda jurnalist Nikola Skiraning xabariga tayanib Euro-Sport xabar bermoqda.
24 yoshli futbolchi joriy mavsum o‘tgan yilgiga qaraganda yaxshi natijalar qayd etmayotgan bo‘lsa-da, klub rahbariyati unga ishonch bildirishda davom etmoqchi.
Manbaning xabariga ko‘ra, klub Foden bilan yangi shartnoma imzolashni rejalashtirgan va bu boradagi ilk muzokaralar boshlangan. Yangi kelishuvda futbolchining maoshi sezilarli darajada oshiriladi va bu bitim uzoqroq muddatga mo‘ljallangani aytilmoqda.
Foden joriy mavsumda Pep Gvardiola boshchiligidagi jamoa safida 40 o‘yinda maydonga tushib, o‘z hisobiga 10 ta gol va 6 ta golli uzatmani yozdirib qo‘ygan. Uning shartnomasi 2027-yilning yoziga qadar amal qiladi.
Izoh (0)