Octobank yana bir bor raqamli to‘lov yechimlari bo‘yicha peshqadam deb e’tirof etildi

Octobank O‘zbekiston bozorida elektron tijorat sohasidagi yetakchiligini yana bir bor tasdiqladi. 9-10-aprel kunlari o‘tkazilgan E-commerce Central Asia Expo forumida bank “2024-yilda O‘zbekistonda elektron tijorat bo‘yicha yetakchi bank-ekvayeri” maxsus mukofoti bilan taqdirlandi.

Mukofotni tashkil etishda Raqobatni rivojlantirish va iste’molchilar huquqlarini himoya qilish bo‘yicha qo‘mita hamda O‘zbekiston Marketing Assotsiatsiyasi ishtirok etgan.

Mukofotni bank raisining birinchi o‘rinbosari Dilshod Pulatovga topshirgani munosabati bilan O‘zbekiston Marketing Assotsiatsiyasi raisi Diyor Mirzaahmedov bankning raqamli to‘lovlar sohasidagi yorqin faoliyati va onlayn-biznesni qo‘llab-quvvatlashdagi muhim hissasini alohida ta’kidladi.

“Olingan mukofot — biz uchun shunchaki e’tirof belgisi emas, balki ekvayring sohasidagi tizimli faoliyatimizning tasdig‘idir. Biz texnologik yechimlarni faol joriy etmoqdamiz, raqamli to‘lovlarni tezroq, xavfsizroq va hamma uchun qulayroq qilish orqali onlayn biznes va tadbirkorlik sohasini qo‘llab-quvvatlamoqdamiz. Biz yuqori e’tirof uchun minnatdormiz va O‘zbekistonda elektron tijoratni rivojlantirishdagi rolimizni yanada kuchaytirishda davom etamiz”, ta’kidladi Octobank raisining birinchi o‘rinbosari Dilshod Pulatov.

Yirik tadbirkorlar, ekspertlar, investorlar va texnologiya kompaniyalarini to‘plab tashkil etilgan forumda Octobank ko‘rgazma zonasining ishtirokchisi sifatida qatnashdi, shuningdek, tadbirning ishbilarmonlik dasturida ham ishtirok etdi.

Avvalroq Octobank “2024-yilda rekord miqdordagi ekvayring tranzaksiyalari uchun” Visa mukofotini Best e-com acquirer nominatsiyasida qo‘lga kiritgan edi. 

Octobank 20 yildan ortiq vaqt mobaynida O‘zbekiston bozorida raqamli infratuzilmani rivojlantirib, elektron tijorat uchun o‘z mijozlariga hamyonbop va qulay sharoyit yaratib kelmoqda. 3 milliondan ziyod jismoniy shaxslar va 2500 dan ortiq korporativ mijozlar Octobankni xavfsizlik va xizmatining afzalliklari uchun qadrlaydilar.

Forum to‘g‘risida:  E-commerce Central Asia Expo – Markaziy Osiyoda elektron tijorat ekotizimini rivojlantirishga bag‘ishlangan eng yirik maydonlardan biri. Tadbir tajriba almashish, hamkorlik aloqalarini yo‘lga qo‘yish va zamonaviy e-commerce yechimlarini ilgari surishga alohida e’tibor qaratgan holda mahalliy biznesning onlayn muhitga faol kirib borishiga xizmat qiladi.

Reklama huquqi asosida.