Amerikaning eng boy aktrisasi kim? Juliya Roberts esa oxirgi o‘rinda

Amerikalik aktrisalarning qaysilari eng boy ekanligi bilan tanishib chiqamiz.

10. Jessika Alba

“Qora farishta”, “Gunohlar shahri”, “Fantastik to‘rtlik” filmlari yulduzi Jessika Alba gonorariga bog‘lanib qolmaslikni istardi. Natijada 2011-yilda u bolalar va uy uchun ekologik toza mahsulotlar brendi — The Honest Company’ni ishga tushirdi.

Kompaniya milliardlik sarmoyaga erishdi, Jessikaning o‘zi esa biznesledi maqomiga ko‘tarildi. 2021-yilda brendni birjaga chiqarib, yuz millionlab daromad topdi.

Hozirda uning uch farzandi, turmush o‘rtog‘i, go‘zal hayoti va aqlli hamda bosiq ayol sifatidagi obro‘si bor.

9. Juliya Roberts

“Huriliqo” filmidan so‘ng Juliya o‘sha davr timsoliga aylandi: “Notting Hill”, “Eng yaqin do‘stimning to‘yi”, “Erin Brokovich” — so‘nggi film uchun u “Oskar” mukofotini qo‘lga kiritdi va roli uchun 20 million dollar gonorar oldi. Bu o‘sha paytda rekord edi.

Juliya o‘z ishini sevadi. Shu bois shovqin-suron va janjallardan ko‘ra, jimgina ishini qilishni afzal ko‘radi. U operatorga turmushga chiqdi va uchta farzand ko‘rdi.

Boyligi taxminan 250 million dollar atrofida. Juliya hashamatli hayotni yaxshi ko‘radi, ammo pulni oqilona sarflashga intiladi.

8. Jennifer Eniston

“Do‘stlar” seriali endigina efirga chiqqanida hech kim u shunchalik mashhur bo‘lishini va Enistonning soch turmagini butun dunyo ayollari nusxalashini tasavvur qilmagandi. Biroq aynan shunday bo‘ldi. Reychel rolini ijro etib, u butun bir avlodning ramziga va eng yuqori maosh oluvchi aktrisalardan biriga aylandi.

Serial tugagach, u “Marli va men”, “Biz Millerlarmiz”, “Yomon xo‘jayinlar” kabi filmlarda suratga tushishni davom ettirdi. Bu filmlar uni yengil komediya qirolichasiga aylantirdi. Keyinchalik u “Tonggi shou” bilan televideniyega qaytdi va yana har bir qism uchun million dollar oladigan yulduzga aylandi.

Uning boyligi 300 million dollardan oshadi. Bunga qo‘shimcha ravishda Aveeno va Emirates kabi brendlar bilan reklama shartnomalari ham bor.

Shaxsiy hayoti xuddi bir serialga o‘xshaydi: Bred Pitt bilan turmush, ajralish, sevgi munosabatlari, shov-shuvli sarlavhalar. Uning farzandi yo‘q, ammo 2022-yilda sun’iy urug‘lantirish usuli orqali homilador bo‘lishga uringanini ochiq tan oldi. Biroq bu urinishlar natija bermadi.

6. Jennifer Lopes

Lopes Nyu Yorkning eng qashshoq tumanlaridan biri bo‘lgan Bronksda tug‘ilgan. Raqqosa sifatida ishlay boshlagan. Ammo hayoti “Selena” nomli filmdagi bosh roldan keyin o‘zgarib ketdi. Kinoda u tomoshabinlarni o‘ziga jalb qiladigan haqiqiy magnitga aylandi.

Biroq Lopes faqat aktrisagina emas. Hali hech kim aktrisalar hit-paradlar yarata olishini bilmagan paytda u qo‘shiq kuylagan. 

Boyligi 400 million dollardan oshadi. Kiyim-kechak liniyasi, atir-upalar, turlar, filmlar, seriallar, shartnomalar, Netflix, prodyuserlik — barchasi uning qo‘lida.

Shaxsiy hayoti xuddi kinodagidek: uch marta turmush qurgan, Mark Entonidan egizaklari bor, 20 yildan so‘ng Ben Afflekka qaytib, Las Vegasda to‘y qilgan. Ammo 2025-yilda ular yana ajrashdi.

4. Kim Kardashyan

U haqda istagancha hazillashish mumkin, ammo haqiqat shuki — u imperiya yaratdi. Dastlab realiti-shou, keyin suratlar, so‘ngra brendga aylangan nom.

Uning biznesi ulkan: KKW kosmetikasi, Skims ichki kiyimlari, shartnomalar, reklama, teleko‘rsatuvlar. Skims hozirda bir milliard dollardan ortiq qiymatga ega. Kimning boyligi taxminan 1,7 milliard dollar.

Shaxsiy hayoti serial uchun syujet bo‘la oladi. Uchta nikoh, Kanye Uestdan to‘rt farzand, ajralishlar, keyin Pet Devidson bilan munosabat — bularning barchasi doimo muhokama markazida.

3. Rianna

Xonandaning mashhurligi “Umbrella” hiti bilan boshlagan va o‘shandan beri u nafaqat cho‘qqida qoldi, balki afsonaga aylandi. Musiqa reytinglarida uning qo‘shiqlari hali ham yangraydi, garchi muxlislar yangi albomni deyarli 10 yildan beri kutayotgan bo‘lsa ham.

Rianna Fenty Beauty kosmetika brendini yaratdi — brend odamlarga har qanday teri rangiga mos keladigan pardoz vositalarini taqdim etadi. Shundan keyin Savage X Fenty kiyimlari, undan so‘ng esa Fenty Hair mahsulotlarini sotuvga chiqardi.

U, albatta, aktrisadan ko‘ra ko‘proq qo‘shiqchi, ammo “Battleship”, “Oushenning 8 do‘sti”, “Valerian va ming sayyoralar shahri” filmlarida ham rol o‘ynagan. Boyligi — taxminan 1,4 milliard dollar.

2. Opra Uinfri

Opra Missisipi shtatining chekka hududida qashshoqlikda tug‘ilgan, bolaligida zo‘ravonlikni boshdan kechirgan, sotuvchi bo‘lib ishlagan. Bularning barchasi u 19 yoshida yangiliklar mikrofoni qarshisiga o‘tirishidan oldin sodir bo‘lgan.

“Opra Uinfri shousi” — 25 yil efirda, millionlab tomoshabinlar, ko‘z yoshlari, e’tiroflar, tarixga kirgan suhbatlarni taqdim etdi. U har bir dasturni shedevr asarga aylantirardi. Odamlar shunchaki suhbatlashgani kelib, butunlay o‘zgargan holda ketishardi.

Keyinchalik — Harpo Productions, OWN telekanali, O jurnali, investitsiyalar, filmlarga bo‘lgan huquqlar, Weight Watchers’dagi ulushlarga egalik qildi. 2025-yilga kelib uning boyligi taxminan 3 milliard dollarni tashkil etadi.

U Maykl Jekson, Barak Obama va hatto shahzoda Garri hamda Megan bilan suhbatlashdi.

1. Jeymi Gerts

80-yillarda u  “Yo‘qolgan bolalar”, “Noldan kam”, “Saynfeld”, “Elli Makbil”, “Tez yordam” filmlari orqali mashhurlikka erishdi.

Keyinchalik u moliyachi, sarmoyador va juda aqlli yigit Toni Resslerga turmushga chiqdi. Ular birgalikda biznes-juftlikka aylanishdi. Keyin esa “Atlanta Hoks” basketbol klubini sotib olishdi.

Hozir uning boyligi 8 milliard dollarga baholanmoqda. Jeymi bu pullarni seriallar yoki kosmetikadan emas, balki investitsiyalar va sport jamoasiga egalik qilishdan topgan.