2025-yil 7-aprel kuni IT Park Uzbekistan majmuasi hududida elektromobillar uchun yuqori kuchlanishli ultra-tez zaryadlash stansiyasi ishga tushirildi. Bu loyiha “O‘ZIMPEKSALOQA” va Huawei kompaniyalari tomonidan “yashil” texnologiyalarni joriy etish, elektromobillar sohasini qo‘llab-quvvatlash, elektrda quvvatlash tizimini kengaytirish va zaryadlash qurilmalarining qulayligini ta’minlash maqsadida amalga oshirildi.
O‘zbekistonda muqobil energiya manbalarini joriy etish va “yashil” texnologiyalarni keng qo‘llash sohasida faol loyihalar amalga oshirilmoqda. Dunyo elektromobil sanoatining tez rivojlanishi bilan birga, O‘zbekistonda ham mahalliy bozor tez suratlarda rivojlanib bormoqda. Shu sababli, elektromobil foydalanuvchilari uchun yuqori kuchlanishli qisqa muddatda zaryadlash imkoniyatlarini yaratish juda muhimdir. Soha oldida elektromobillar va zaryadlash qurilmalarini rivojlantirish va ularning sonini ko‘paytirish, shuningdek ekotizimning barcha ishtirokchilari va hamkorlarini birlashtirib, foydalanuvchilar uchun “yashil” innovatsion texnologiyalardan eng yaxshi tajribani taʼminlash vazifasi turibdi.
Elektromobillardan foydalanuvchilarning ortib borishiga javoban, “O‘ZIMPEKSALOQA” va Huawei kompaniyalari Raqamli texnologiyalar vazirligi ko‘magida O‘zbekistonning raqamli va innovatsion rivojlanish markazi - IT Parkda yuqori kuchlanishli ultra-tez zaryadlash stansiyalarini (Huawei FusionCharge Solution) o‘rnatish loyihasini amalga oshirdi. Loyihaning tantanali ochilish marosimi 2025-yil 7-aprel kuni bo‘lib o‘tdi. Unda elektromobillarni eng qisqa vaqt ichida to‘liq zaryadlash imkonini beradigan sovutish modullari bilan jihozlangan zaryadlash qurilmalarining ishi namoyish etildi.
“Zaryadlash stansiyasini ochish g‘oyasi mamlakatimizda “yashil” iqtisodiyotga o‘tishni jadallashtirish va ushbu soha rivojiga katta eʼtibor qaratilayotganligidan kelib chiqib o‘z hissamizni qo‘shish maqsadida paydo bo‘ldi. Davlatimiz rahbari tomonidan ham “yashil” texnologiyalarni joriy etishga qaratilgan har qanday tashabbus shaxsan qo‘llab-quvvatlanmoqda. Shuning uchun biz ham tashabbus ko‘rsatib, IT-Park hududida joylashgan avtoturargohimizga quvvatlantirish stansiyalarini o‘rnatish loyihasini amalga oshirishga qaror qildik. Bizning g‘oyamizni qo‘llab-quvvatlagan va birgalikda amalga oshirishda o‘zaro hamkorlik qilgan Huawei kompaniyasiga alohida minnatdorchilik bildiraman. Bu loyiha mamlakatimizning ekologik barqarorligini taʼminlash yo‘lidagi muhim bir qadam hisoblanadi. Eng asosiysi, biz mamlakatimizda yangi texnologik yangilanishlarni amaliyotga joriy qilishga intilamiz, shuningdek, zamonaviy infrastruktura orqali barcha aholi va biznes subyektlariga qulayliklar yaratishga harakat qilamiz” dedi “O‘ZIMPEKSALOQA” direktori Sarvar Ergashev.
“Huawei Digital Power” bo‘limi energetika tizimlari, elektromobillar va raqamli sanoat uchun yangi infratuzilmani ishlab chiqishda innovatsiyalarni joriy etish hamda raqamli va quvvat elektronikasi texnologiyalarini integratsiyalashda davom etadi. Hamkorlar va bozor ishtirokchilari bilan birgalikdagi harakatlar mamlakatda uglerod chiqindilarini kamaytirishga va “yashil” iqtisodiyotning tez rivojlanishiga yordam beradi. Huawei kompaniyasi O‘zbekistonda quyosh energetikasini rivojlantirish loyihalarida ishtirok etish bo‘yicha katta tajribaga ega va “yashil” innovatsiyalarning yakuniy foydalanuvchilari uchun qulaylik yaratish yo‘lida hamkorlikni davom ettiradi”, dedi Huawei kompaniyasining O‘zbekistondagi direktor o‘rinbosari Suli Aylaiti.
Huawei texnologiyasi suyuqlik bilan sovutiladigan FusionCharge quvvat bloki va zaryadlash dispenserlaridan iborat bo‘lib, u fotoelektrik tizim va energiyani saqlash tizimi bilan integratsiyalanib, uzluksiz infratuzilmani ta’minlay oladi. Quvvat blokining maksimal quvvati 720 kVtga, bitta ulanish nuqtasining zaryadlash toki esa 500 A’ga etadi. Ikki tomonlama suyuqlik bilan sovutishning innovatsion konstruksiyasi qurilmaning ishlash muddatini 10 yilgacha uzaytirib, nosozliklar soni va texnik xizmat ko'rsatish xarajatlarini kamaytiradi.
2024-yil oxiriga kelib, Huawei Digital Power o‘z mijozlariga: 1,4113 trillion kVt/soat “yashil” energiya ishlab chiqarishga; 81,8 milliard kVt/soat elekt energiyasini tejashga; 710 million tonna ko‘mir kislota gazi chiqindilarini kamaytirishga yordam berdi (bu 970 million tup daraxt ekilishi bilan barobar). 2023-yilga nisbatan yashil energiya ishlab chiqarish 41%ga, tejalgan elektr energiyasi hajmi 77%ga, uglerod chiqindilarini kamaytirish esa 43%ga oshdi.Huawei kompaniyasining yechimlari O‘zbekistonda quyidagi loyihalarda qo‘llanildi: O‘zbekiston tumanidagi energiyani saqlash tizimini ishga tushirish, ishlab chiqarish maqsadidagi yirik quyosh elektr stansiyalari, tijorat, sanoat va xususiy sektor uchun quyosh elektr stansiyalari, yashil energiyani monitoring qilish markazini ishga tushirish va boshqalar.
Barqaror kelajakni taʼminlash uchun Huawei kompaniyasi mijozlar va hamkorlar bilan birgalikda yuqori sifatli tez va ultra-tez zaryadlash infratuzilmalarini shakllantirishda, shuningdek zaryadlash stansiyalari, elektr tarmog‘i va transport vositalari interneti (IoV) o‘rtasidagi aloqani yaxshilashda hamkorlik qiladi.
Reklama huquqi asosida.
Izoh (0)