Rossiya va O‘zbekiston transafg‘on temiryo‘li loyihasini boshlash to‘g‘risida hujjat imzoladi. Bu haqda Rossiya Transport vazirligi xabar berdi.
Unga ko‘ra, hujjat Rossiya va O‘zbekiston Transport vazirliklari hamda “Rossiya temir yo‘llari” va “O‘zbekiston temir yo‘llari” o‘rtasida imzolangan. Rossiyaning ixtisoslashtirilgan loyiha tashkilotlari 2025-yilda o‘zbekistonlik hamkasblari bilan birgalikda transafg‘on temiryo‘li qurilishi loyihasining texnik-iqtisodiy asoslash bo‘limlarini kelishilgan yo‘nalishlar bo‘yicha, shu jumladan, yuk oqimlari hajmi prognozi va iqtisodiy samaradorligini aniqlash bo‘yicha tayyorlashni ta’minlaydi.
Ikkita yo‘nalish belgilab olingani ma’lum qilindi. Bular Mozori Sharif—Hirot—Dilorom—Qandahor—Chaman va Termiz—Naibobod—Lugar—Xarlachi.
Bundan avval O‘zbekiston va Afg‘oniston Hayraton—Mozori Sharif temiryo‘lidan foydalanish bo‘yicha shartnomani uzaytirgan edi.
Yevrosiyo taraqqiyot banki tahlilchilari O‘zbekiston, Afg‘oniston va Pokiston temiryo‘l tarmoqlarini bog‘laydigan transafg‘on koridorini qurish istiqbollarini baholagan edi. Loyihaning rejalashtirilgan qiymati 4,8 milliard dollarni tashkil etadi.
Izoh (1)
Daryo kiberxujumga uchragan