Robert De Niro Kann kinofestivalining faxriy “Oltin palma novdasi” mukofotiga sazovor bo‘ladi. Bu haqda “Pravila jizni” xabar berdi.
Aktyor jahon kinematografiyasini rivojlantirishga qo‘shgan ulkan hissasi uchun 13-may kuni festivalning ochilish marosimida mukofotlanadi. De Niro 2011-yilda hakamlar hayʼati raisi bo‘lganidan 14 yil o‘tgach, haykalchani oladi.
Festival tashkilotchilari aktyorni “kinematografiya afsonasi” deb atadi va uning ekran debyuti Nyu Yorkning tarixiy avlodi rejissyorlarining taqdirini belgilaganini taʼkidladi.
“Men Kann kinofestivalini juda yaxshi ko‘raman. Ayniqsa, hozirgi paytda dunyoda sodir bo‘layotgan ko‘p narsalar bizni ajratib turgan bir paytda. Kann, o‘z navbatida, hikoyachilarni, kinorejissyorlarni, muxlislarni va do‘stlarni birlashtiradi. Bu uyga qaytish kabi”, dedi De Niro ushbu voqelik haqida.
78-Kann kinofestivali 13—24-may kunlari o‘tkaziladi. Hakamlar hayʼati raisi fransuz aktrisasi Jyulet Binosh bo‘ladi.
Oldingi yillarda faxriy “Oltin palma novdasi” mukofotiga Meril Strip, Jorj Lukas, Katrin Denev, Harrison Ford, Tom Kruz, Jodi Foster va boshqalar sazovor bo‘lishgan. Mukofotning birinchi sohibi 1997-yilda shved rejissyori Ingmar Bergman bo‘lgan.
Izoh (0)