Shuhrat Jo‘rayev Jizzax viloyat hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari v.b. etib tayinlandi. Bu haqda viloyat hokimligi matbuot xizmati xabar berdi.
Mazkur lavozimda 2025-yil 3-martga qadar Hamidjon Hasanov faoliyat yuritib kelayotgan edi.
Shuhrat Jo‘rayev 1968-yilda Jizzax viloyati G‘allaorol tumanida tavallud topgan. U tayinlovga qadar Favqulodda vaziyatlar vazirligida ishlab kelgan.
2024-yilning 19-dekabr kuni Ergash Soliyev boshqa ishga o‘tishi munosabati bilan Jizzax viloyati hokimi lavozimidan ozod etilgandi. Uning o‘rniga Ulug‘bek Mustafoyev Jizzax viloyati hokimi vazifasini bajaruvchi lavozimiga tayinlandi. Tayinlovga qadar u 2019-yil aprelidan buyon “Hududiy elektr tarmoqlari” aksiyadorlik jamiyati boshqaruvi raisi lavozimida ishlab kelgan.
28-dekabr kuni esa Jizzax viloyati hokimiga ikki o‘rinbosar tayinlangan edi.
Izoh (0)