“Toshkent” avtovokzalidan Rossiyaning Krasnodar shahriga muntazam avtobus qatnovlari yo‘lga qo‘yildi. Bu haqda Transport vazirligi xabar berdi.
Unga ko‘ra, mazkur yo‘nalishda qatnovlar Uzautotrans Service korxonasi tomonidan haftaning seshanba va juma kunlari Yutong avtobuslarida amalga oshiriladi. Ilk qatnov joriy yilning 8-aprel kuni bajariladi. Avtobus “Toshkent” avtovokzalidan soat 20:00 da jo‘nab ketadi. Chipta narxi 900 000 so‘m etib belgilangan.
Chiptalarni elektron shaklda avtoticket.uz sayti hamda UzBus mobil ilovasi orqali, shuningdek, “Toshkent” avtovokzali kassalaridan sotib olish mumkin.
O‘zbekistonda 10 ta yangi xalqaro avtobus yo‘nalishi ochilishi aytilgandi. Bugungi kunda jami 32 ta milliy va xorijiy tashuvchilar tomonidan Rossiya, Qozog‘iston, Qirg‘iziston va Tojikistonga 37 ta yo‘nalish bo‘yicha jami 196 ta avtobuslar qatnovi yo‘lga qo‘yilgan.
2024-yil yanvar-aprel oylari davomida xalqaro avtobus yo‘nalishlarida 173 ming nafar yo‘lovchi tashilgan. Ko‘rsatkichlar 2023-yil mos davriga nisbatan 15 foizga oshgan.
Izoh (0)