5-aprel kuni Ostonada uzoq kutilgan professional boks kechasi bo‘lib o‘tdi. Asosiy janglardan birida o‘zbekistonlik Bahodir Jalolovga yutqazgan ukrainalik Igor Shevadzutskiy jangdan keyin qozoq nashriga intervyu berdi.
Shevadzutskiyning aytishicha, u Jalolovga qarshi bahsga umuman tayyorgarlik ko‘rmagan:
Men bu jangga qisqa muddat ichida rozilik berdim. Tayyorgarlik ko‘rmadim. Jangdan besh kun oldin menga shartnoma yuborishdi va bahsdan bir kun oldin Ostonaga uchib keldim. Men yutqazish uchun kelmagan edim. Og‘ir vazn toifasidagi eng yaxshi bokschilardan biri bilan ringda bo‘lish — men uchun sharaf. Jamoamga, Bahodir Jalolovga va Qozog‘istonga bu ajoyib qo‘llab-quvvatlov uchun minnatdorlik bildiraman, dedi Shevadzutskiy.
Ma’lumot uchun, Jalolov va Shevadzutskiy o‘rtasidagi jang 10 raund davom etdi va hakamlar bir ovozdan g‘alabani Jalolovga berdi. Ushbu bahs Bahodir uchun professional boksdagi 15-jang hisoblanadi. O‘zbekistonlik charm qo‘lqop ustasi ushbu janglarning barchasida g‘alaba qozongan.
Izoh (0)