AQSH moliya vaziri Skott Bessent Qo‘shma Shtatlar defoltga yaqinlashayotgani haqidagi da’volarni rad etdi.
Bu haqda vazir Skott Bessent amerikalik jurnalist Taker Karlsonga bergan intervyusida ma’lum qilgan.
“Odamlar AQSHdagi vaziyat nazoratdan chiqib ketgan, AQSH defolt tomon ketmoqda, deb aytmoqda. Bu gaplar haqiqatga to‘g‘ri kelmaydi”, dedi vazir.
Shu bilan birga, u mamlakatning davlat qarzi kattaligidan xavotir bildirgan.
Tahlilchilar fikriga ko'ra, AQSH hukumati qarzi bo‘yicha defolt iyul o‘rtalari va oktyabr oyi boshlari orasida sodir bo‘lishi mumkin. Kongress qarz limitini oshirish yoki to‘xtatib qo‘yish bo‘yicha chora ko‘rmasa, iyul oyi o‘rtalariga qadar AQSHda hisob-kitoblarni to‘lash uchun naqd pul yetishmay qolishi mumkin.
Donald Tramp inauguratsiyasidan so‘ng darhol AQSHning yangi prezidenti ma’muriyati davlat qarzi muammosiga duch keldi. AQSH davlat qarzining o‘sish sur’ati tezlashdi, 2024-yil 3-yanvarda u 34 trillion dollar chegarasidan o‘tdi, iyulda 35 trillion dollardan, noyabrda esa 36 trillion dollardan oshdi. 2024-moliya yili uchun o‘rtacha YIM 28,83 trillion dollarni, AQSH qarzi 35,46 trillion dollarni tashkil etdi. Natijada qarzning yalpi ichki mahsulotga nisbati 123 foizni tashkil etdi.
Izoh (0)