Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola qilamiz.
Qiziqchi Shukurullo Isroilov madaniyat vaziri Ozodbek Nazarbekov bilan tushgan arxiv suratini sahifasiga joyladi.
1-aprel kuni “Xalqlar do‘stligi” san’at saroyida “Million” kulgi jamoasining konsert dasturi boshlandi. Jamoa a’zosi Mo‘min Ibrohimov birinchi kundanoq xavfli tryuk bajarib, tomoshabinlar e’tiborini tortdi.
Shahzod Sultonov yangi serialda ichki ishlar xodimi obrazini gavdalantiradi.
AQSHda istiqomat qiluvchi taniqli xonanda Otabek Madrahimov qizini tug‘ilgan kuni bilan tabriklab, sahifasiga uning suratini joylashtirdi.
Hamdam Sobirov muxlislariga yangi qo‘shiq ustida ish olib borayotgani haqida so‘zlab berdi.
Yorqinxo‘ja Umarov Turkiyaning Istanbul shahridan ko‘rinish berdi.
Munisa Rizayevaning muxlislaridan biri uning Toshkent shahridagi “birrov” xizmati narxi bilan tanishdi. Ma’lum bo‘lishicha, xonanda poytaxt to‘ylarida 4 ta qo‘shiq kuylab berishi uchun 1 500 dollar oladi. Bitta qo‘shiqning taxminan 3-4 daqiqa davom etishi hisobga olinsa, xonanda bu pulni 12-15 daqiqada topadi.
Ilk bor ona bo‘lgan sportchi bloger Asal Saparboyeva farzandi bilan tushgan suratini sahifasiga joyladi.
Xonanda Zohirshoh Jo‘rayev ilk bor onasi haqida so‘zlab berdi. “Onam haqida gapirsam, bu ko‘rsatuv yetmaydi. Biz doim otam-otam deganimizga onam ko‘zga ko‘rinmagan. Lekin men bir narsani aytaman, bizning shu darajaga kelishimizga Sherali Jo‘rayevning nomi bo‘lsa, onamning mehnati ketgan”, deydi xonanda.
Izoh (0)