Xalqaro valyuta jamg‘armasi (XVJ) direktorlar kengashi Kengaytirilgan fond dasturi doirasida Ukrainaga 400 million dollar ajratishni maʼqulladi. Ular mamlakat iqtisodiyoti barqarorligicha qolayotganiga aniqlik kiritishdi.
“XVJning Ukraina bo‘yicha dasturi favqulodda yuqori noaniqlik davrida fiskal, tashqi va makromoliyaviy barqarorlikni qo‘llab-quvvatlovchi siyosatni mustahkamlashga yordam beradi”, deyiladi XVJ veb-saytidagi bayonotda. Tashkilot qo‘shimcha qilganidek, dastur Ukrainaning iqtisodiy tiklanishini qo‘llab-quvvatlashga qaratilgan.
Ukraina uchun kengaytirilgan moliyalashtirish dasturi 2023-yilda boshlangan va 2027-yilgacha amal qilish uchun mo‘ljallangan. Uning hajmi 15,5 milliard dollarni tashkil etadi.
2024-yil dekabrida XVJ Ukraina uchun 1,1 milliard dollarlik transhni ma’qullagandi.
Izoh (0)