“O‘zgidromet” O‘zbekistonda dam olish kunlari qanday ob-havo kutilayotganini ma’lum qildi.
Unga ko‘ra, 29-31-mart kunlari O‘zbekiston bo‘yicha iliq va quruq ob-havo bo‘lishi kutilmoqda. Faqat 29-martda ayrim tog‘li hududlarda yog‘ingarchilik (yomg‘ir, qor) bo‘ladi.
Shamol sharqdan 7-12 m/s tezlikda esadi, 30-31 mart kunlari respublika shimolida va cho‘l hududlarida ba’zi joylarda 13-18 m/s gacha kuchayishi mumkin. Havo harorati kechalari 3-8 daraja iliq atrofida bo‘ladi, kunduz kunlari esa 19-22 daraja iliqqacha, shimolda, janubda va cho‘l hududlarda 23-26 daraja iliqqacha isiydi.
29-31 mart kunlari havo biroz bulutli, vaqti-vaqti bilan o‘zgaruvchan bo‘ladi, yog‘ingarchilik kutilmaydi. Shamol sharqdan 3-8 m/s tezlikda esadi. Harorat kechalari 5-8 daraja iliq bo‘ladi, kunduz kunlari 20-22 daraja iliqqacha ko‘tariladi.
“O‘zgidromet” aprel oyi uchun prognozini ham e’lon qilgan. Unga ko‘ra, oy quruq ob-havo bilan boshlanadi. Aprelning birinchi besh kunligida havo harorati 22-25 daraja iliqdan 27-30 daraja iliqqacha, shimolda, janubda va cho‘l hududlarda 32 daraja iliqqacha ko‘tarilishi kutilmoqda.
Izoh (0)