Kataloniyaning “Barselona” klubi vingeri Lamin Yamal jamoaning eng iqtidorli futbolchilari kim ekanini ochiq aytdi. Bu haqda Championat nashri xabar berdi.
Futbolchi jurnalistlarning kataloniyaliklar safidagi eng iqtidorli futbolchi kim, degan savoliga o‘zi hamda jamoadoshi Pedri nomini aytdi:
“Barselona”ning eng iqtidorli futbolchilari? Men va Pedri, dedi futbolchi.
Avvalroq Yamal boshqa intervyuda o‘ziga “Real” asosiy rangi bo‘lgan oq rangdagi mashinani hech qachon sotib olmasligini aytgan edi.
Joriy mavsumda 17 yoshli Lamin barcha turnirlarda 39 ta o‘yinda maydonga tushib, 13 ta gol va 17 ta golli uzatma muallifiga aylandi. Uning klub bilan amaldagi shartnomasi 2027-yilning yoziga qadar davom etadi. Transfermarkt ma’lumotlariga ko‘ra, futbolchining qiymati 180 million yevroni tashkil etadi.
“Barselona” hozirda La Liganing turnir jadvalida 28 ta o‘yindan so‘ng 63 ochko to‘plagan holda birinchi o‘rinda bormoqda. Ularning asosiy raqobatchisi “Real” 60 ochko bilan 2-o‘rinni egallab turibdi.
Izoh (0)