O‘zbekistonda noqonuniy o‘rnatilgan bankomatlar demontaj qilinadi. Bu haqda 24-mart kuni AOKAda bo‘lib o‘tgan matbuot anjumanida Kadastr agentligi direktori o‘rinbosari Mirsaid Mirmaqsudov ma’lum qildi, deb yozmoqda Spot.
Mirsaid Mirmaqsudov noqonuniy o‘rnatilgan bankomatlarni demontaj qilish bo‘yicha nazorat ishlari olib borilayotganini bildirgan. Uning ta’kidlashicha, Markaziy bank bilan hamkorlikda amalga oshirilayotgan ishlar muntazam ravishda davom ettiriladi.
Menda hozir qancha bankomatlarni demontaj qilib, oldirib tashlaganimiz haqida aniq ma’lumotlar yo‘q. Lekin ishlar doimiy tarzda amalga oshiriladi. Buni Markaziy bank yoki tijorat banklari ham tasdiqlashi mumkin, degan Mirsaid Mirmaqsudov.
Markaziy bankning 2024-yilda bergan ma’lumotlariga ko‘ra, bankomatlar va infokiosklar soni yil davomida 18,3 foizga oshib, 28,4 ming donaga yetgan, 5 yil davomida esa 3,4 barobarga oshgan.
Izoh (0)