O‘zbekiston terma jamoasi futbolchisi Oston O‘runov Jahon chempionati saralashi doirasidagi Eronga qarshi bahsda qatnasha olmaydi. Bu haqida Etemadonline.com nashri xabar berdi.
Manbaga ko‘ra, futbolchi jarohatidan to‘liq forig‘ bo‘la olmagan va O‘zbekiston terma jamoasining mashg‘ulotlarida ishtirok etmayapti. O‘runov allaqachon milliy jamoa bazasini tark etgan hamda “Persepolis” safiga qo‘shilgan. 23-mart kuni futbolchi mashg‘ulotlarga qaytgani hamda 8-tur doirasidagi bahsda maydonga tushishi aytilgandi.
Shuningdek, Jaloliddin Masharipov ham sariq kartochkalari ko‘payib ketganligi sababli Eron bilan o‘yinni o‘tkazib yuborishi aniq bo‘lgandi.
Avvalroq Eron terma jamoasi a’zosi Ruzbeh Cheshmi jarohat sabab, Muhammad Mohebi diskvalifikatsiya sabab O‘zbekistonga qarshi uchrashuvda maydonga tusha olmasligi xabar qilingandi.
Elatib o‘tamiz, Eron va O‘zbekiston terma jamoalari o‘rtasidagi bellashuv bugun, 25-mart kuni bo‘lib o‘tadi. Uchrashuv Tehrondagi “Ozodi” stadionida Toshkent vaqti bilan 21:00 da boshlanadi.
Izoh (0)