Turkiya muxolifatidagi Respublika Xalq partiyasining praymerizida 15 million kishi ishtirok etdi va hibsga olingan hamda lavozimidan chetlatilgan Istanbul shahri meri Akram Imomo‘g‘liga ovoz berdi. Bu haqda So‘zcü nashri xabar berdi.
-I4estNZa.avif)
Imomo‘g‘li tarafdorlari 23-mart kuni bo‘lib o‘tgan praymerizda ovoz berib, Akram Imomo‘g‘lini Turkiyaning eng keksa siyosiy partiyasi — Respublika Xalq partiyasidan prezidentlikka nomzod etib rasman sayladi.
23-mart kuni mamlakatimizning kelajakdagi prezidenti Akram Imamo‘g‘li uchun partiyamizning 1 million 653 ming a’zosi ovoz berdi. Bu hozirgi davlat to‘ntarishiga urinishga eng qat’iy javobdir. Bundan tashqari, fuqarolarni birdamlik qutilarimizga kelib ovoz berishga taklif etdik. Ular Akram uchun 13 million 210 ming ovoz berdi. U uchun jami 14 million 850 mingdan ortiq kishi ovoz berdi, deya ta’kidladi partiya rahbari O‘zgur O‘zel.
U prezident Rajab Toyyib Erdo‘g‘onni muddatidan oldin prezidentlik saylovini o‘tkazish to‘g‘risida qaror qabul qilishga va unda Imomo‘g‘li bilan kurashishga chaqirdi.
Praymerizda ovoz berish natijalari e’lon qilinganidan so‘ng, Akram Imomo‘g‘li Silivri qamoqxonasidagi ilk postini e’lon qildi.
Silivri qamoqxonasidan sizlar bilan baham ko‘rmoqchi bo‘lgan, meni juda quvontirgan yangiliklar bor. Respublika xalq partiyamizning dastlabki prezidentlik saylovlarida rekord darajadagi ishtirok qayd etildi. 15 million fuqaromiz ovoz berdi. Mamlakatimizda hukumat zulmi, vayron bo‘lgan iqtisodiyot, layoqatsizlik va qonunsizlikdan aziyat chekayotgan o‘n millionlab odamlar saylov qutilari oldiga keldi, deya yozdi u.
Shu bilan birga, Istanbulda va Turkiyaning boshqa shaharlarida Akram Imamo‘g‘lining hibsga olinishiga qarshi norozilik namoyishlari beshinchi sutkadan beri davom etmoqda. Istanbul merini qo‘llab-quvvatlash uchun 23-mart kuni yarim millionga yaqin fuqaro ko‘chalarga chiqqan. Politsiya bilan to‘qnashuvlar yuz bergan.
Shu bilan birga, siyosiy inqiroz mamlakat iqtisodiyotiga salbiy ta’sir ko‘rsatmoqda. Uch kun ichida Istanbul fond birjasining BIST 100 indeksi 16 foizdan ortiqqa qulab tushdi. Ba’zi turk ommaviy axborot vositalari xabar berishicha, hukumat milliy valyutani barqarorlashtirish uchun milliardlab dollar sarflashga majbur bo‘lmoqda.
Biz bozorlarning sog‘lom faoliyat yuritishi uchun barcha zarur choralarni ko‘rishda davom etamiz. Iltimos, yolg‘on xabarlarga ishonmang, degan Turkiya moliya vaziri Mehmet Shimshek ushbu ma’lumotga munosabat bildirib.
Imomo‘g‘li bo‘lajak prezidentlik saylovlarida Rajab Toyyib Erdo‘g‘onning asosiy raqibi bo‘lishi kutilayotgan edi. U 19-mart kuni korrupsiya va terrorchi tashkilotlarni moliyalashtirish aybi bilan qo‘lga olindi. Istanbul universiteti merning diplomini bekor qildi. Imomo‘g‘lining oliy ma’lumoti yo‘qligi prezidentlikka rasman nomzod bo‘lishga imkon bermaydi.
23-mart kuni sud korrupsiyada gumon qilinayotgan Akram Imomo‘g‘lini hibsga olish to‘g‘risida qaror chiqardi. Ikkinchi terrorchilik ishi bo‘yicha tergov doirasida hibsga olish to‘g‘risidagi so‘rov rad etildi. Imomo‘g‘li bilan birga meriyaning bir qator yuqori lavozimli amaldorlari hibsga olingan, jami 90 dan ortiq kishi sud jarayonidan o‘tmoqda. Bundan tashqari Istanbul meri vaqtinchalik lavozimidan chetlatilgan.
Izoh (0)