Toshkent viloyatida isitish mavsumi yakunlandi, deb xabar bermoqda viloyat hokimligi axborot xizmati.
Unda aytilishicha, viloyatdagi markazlashgan issiqlik ta’minotidan foydalanuvchi iste’molchilarni issiqlik bilan ta’minlash mavsumi 2025-yilning 20-mart kunidan yakunlandi. Bu haqda viloyat hokimining farmoyishi e’lon qilingan.
Toshkent shahrida 18-martdan isitish mavsumi yakunlandi. Belgilangan me’yorlarga ko‘ra, isitish mavsumi o‘rtacha sutkalik havo harorati 8 daraja iliqdan yuqori bo‘lgan 5 kunlik davr tugagan kunning ertasidan boshlab tugaydi. So‘nggi hafta davomida Toshkentda kunduz kunlari havo harorati 18-19 daraja va undan yuqori, kechalari esa 8 daraja iliqdan pastga tushmagan.
Izoh (0)