Turkiyada Istanbul meri Akram Imomo‘g‘li hibsga olinishi fonida o‘tkazilayotgan norozilik namoyishlari noqonuniy bo‘lib, haqiqiy ko‘cha terrori hisoblanadi. Shu sababli hukumat muxolifatning tartibsizliklarga qilingan mas’uliyatsiz chaqiriqlariga e’tiborsiz qolmaydi. Bu haqda 21-mart kuni mamlakat prezidenti Rajab Toyyib Erdo‘g‘on ma’lum qildi.
Davlat rahbarining ta’kidlashicha, Turkiyani terrorga solish va fuqarolar tinchligini buzishga qaratilgan barcha urinishlarga chek qo‘yiladi, chunki hech kim xalq barqarorligiga tajovuz qilishga haqli emas.
“Marginal guruhlarga ergashib, politsiyamizga hujum qilib, sudya va prokurorlarimizga tahdid solib, demokratiya va milliy irodaga qarshi chiqib, noqonuniy va nodemokratik vositalarga murojaat qilib, hech narsaga erisha olmaymiz. Turkiya ko‘chada topilgan mamlakat emas. Turkiya ko‘cha terroriga bo‘ysunmaydi”, deya Turkiya rahbari so‘zlarini keltiradi TRT Haber.
Erdog‘onning qo‘shimcha qilishicha, muxolifatdagi Turkiya Xalq Respublikasi partiyasi (XRP) rahbari O‘zgur O‘zelning ko‘chalarga chiqishga chaqiriqlari mamlakat xalqiga zarar yetkazishga qaratilgan boshi berk yo‘ldir.
Izoh (0)