Tog‘-kon sanoati va geologiya vaziriga yangi o‘rinbosar tayinlandi. Bu haqda vazirlik matbuot xizmati xabar berdi.
Maʼlum qilinishicha, vazirlik markaziy apparati, tizimosti korxona va tashkilotlar rahbarlari ishtirokida o‘tkazilgan yig‘ilishda tashkiliy masala ko‘rib chiqilgan.
Unda Rustam Yusupov tog‘-kon sanoati va geologiya vazirining o‘rinbosari lavozimiga, Azam Kadirxodjayev Geologiya fanlari universiteti rektori lavozimiga tayinlangani ma’lum qilingan.
Shu bilan birga, yig‘ilishda davlat rahbari tomonidan sohaga berilayotgan e‘tibor sabab qator yutuqlar qo‘lga kiritilayotgani, katta loyihalar amalga oshirilayotgani qayd etilgan.
Bundan tashqari, sohada kadrlar tayyorlashga jiddiy e‘tibor qaratish zarurligi, xorijiy tajribani o‘rgangan holda ta‘limda yangi marralarni zabt etish muhim ahamiyatga ega ekani, inson resurslarini to‘g‘ri boshqarish katta natijalarga erishishga xizmat qilishi ta‘kidlandi.
Izoh (0)