Havas diskaunterlari tarmog‘i O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi tomonidan tashkil etilgan “Iste’molchi huquqlarini ta’minlash bo‘yicha eng yaxshi kompaniya” tanlovining g‘olibiga aylandi.
Havas diskaunterlari tarmog‘i O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi tomonidan tashkil etilgan “Iste’molchi huquqlarini ta’minlash bo‘yicha eng yaxshi kompaniya” tanlovida “Chakana savdo” nominatsiyasi bo‘yicha g‘olibga aylandi. Tanlov 15-mart kuni nishonlanadigan Butunjahon iste’molchilar huquqlari kuni munosabati bilan o‘tkazildi. Havas xaridorlar va professional hamjamiyatning yuksak e’tirof ramzi hisoblangan maxsus diplom va “Iste’molchi ishonchi” nishonini qo‘lga kiritdi.
Havas — xalq xizmatida
Tashkil etilgan ilk kundanoq Havas o‘z maqsadiga — xalq xizmatida bo‘lishga amal qiladi. Buning uchun diskaunterlar tarmog‘i xaridlar uchun barqaror narxlar va qulay sharoitlarni ta’minlash orqali o‘z xaridorlarining ehtiyojlarini inobatga oladi. Shuningdek, tarmoq mahsulotlar sifati, ishonchli yetkazib beruvchilar bilan ishlash va xaridorlar bilan qayta aloqa tizimini yaratishga alohida e’tibor qaratadi.
Havas xizmat ko‘rsatish darajasini yaxshilash va mahsulotlar sifatini oshirish ustida ishlashni davom ettiradi. Havas faoliyati negizini xaridorlarning so‘rovlariga e’tibor qaratish tashkil qiladi.
Havas ushbu yutuqlarga xaridorlarning ishonchi va ko‘magi yordamida erishdi. Kompaniya uchun bu faoliyatdagi asosiy yo‘nalish. “Iste’molchi ishonchi” nishoni Havas o‘zining asosiy tamoyiliga amal qilishini, ya’ni har bir odam uchun hamyonboplik, sifat va qulaylikni taklif qilgan holda, xalq xizmatida bo‘lishda davom etishini tasdiqlaydi.
Reklama huquqi asosida.
Izoh (0)