Faqat Belluchchi emas: go‘zalligi bilan butun dunyoni lol qoldirayotgan italiyalik aktrisalar

Sofi Loren, Monika Beluchchi va Klaudiya Kardinale Italiyaning afsonaviy va eng go‘zal aktrisalari qatoriga kiradi. Hozirda kinematografiya ekranida italyan yulduzlarining yangi avlodi porlamoqda, ular iste’dodi va ajoyib tashqi ko‘rinishi bilan xalqaro miqyosda e’tirofga sazovor bo‘ldi.

Alessandra Mastronardi

1986-yilda Neapolda tug‘ilgan Alessandra 5 yoshida Rimga ko‘chib o‘tgan. 1998-yilda u Italiyaning “Amico Mio” (“Do‘stim”) teleko‘rsatuvida ilk bor rol ijro etgan. Bir necha yil o‘tgach, uning Italiya shou-biznesidagi yutug‘i Rim oilasi va uning kundalik muammolari haqida hikoya qiluvchi eng mashhur italyan teleko‘rsatuvlaridan biri “Men Chezaroniman” asaridagi Yeva roli bo‘ldi.

2011-yilda aktrisa Vudi Allenning “Rim sarguzashtlari” filmining tarkibiga qo‘shildi, keyin “Titanik: Qon va po‘lat” telefilmida Sofiya rolini ijro etdi.

2017-yilda Alessandra Mastronardi Ansari va Alan Yang tomonidan yaratilgan “Har tomonlama usta emas” serialida Aziz Ansari qahramonining sevgilisi Francheska rolini o‘ynadi. Bu rol unga xalqaro shuhrat keltirdi. U, shuningdek, Dastin Xoffman bilan birga “Medichi: Florensiya hukmdorlari” teleserialida Lukresiya Donati rolini ham ijro etgan.

Ana Katerina Moraryu

Kelib chiqishi italyan bo‘lgan Moraryu 1980-yil 20-noyabrda Ruminiyada tug‘ilgan. 2002-yilda u Rimdagi Centro Sperimentale di Cinematografia kino maktabini tamomlagan va o‘sha yili o‘z faoliyatini boshlagan. U 2004-yilda teleseriallardagi rollari tufayli mashhur bo‘lgan.

44 yoshli aktrisa “Oushenning o‘n ikki dugonasi”, “Mening eng yaxshi dushmanim” filmlaridagi rollari bilan tanilgan, 2007-yilda “Urush va tinchlik” mini-serialida Sonya Rostova rolini o‘ynagan.

Katerina Murino

Sardiniya orolida tug‘ilgan aktrisa o‘z faoliyatini 1996-yilda “Italiya go‘zali” tanlovida to‘rtinchi o‘rinni egallaganida boshlagan. U bosh rolni Daniel Kreyg o‘ynagan “Royal Kazino” filmidagi Jeyms Bondning qizi roli bilan dunyoga mashhur bo‘ldi. 2024-yilda chiqqan “Dolche!” filmida esa Vensan Kassel va Fanni Ardan bilan partnyor bo‘lgan.

Matilda De Anjelis

Bolaligida aktrisa, model va qo‘shiqchi bo‘lgan Matilda De Anjelis musiqa bilan shug‘ullanib, gitara va skripka chalgan. U 2016-yildagi “Italiyalik poygachi” filmidagi bosh rolni ijro etgan debyutidan so‘ng darhol tanildi. 2019-yilda Matilda De Anjelis HBO telekanalining “Qaytadan o‘ynash” serialida Nikol Kidman, Xyu Grant va Donald Sazerlend bilan birga rol ijro etdi.

Uning qahramoni serialning birinchi qismidayoq halok bo‘lsa-da, aktrisaning jozibasi va moviy ko‘zlari tomoshabinlar qalbidan joy oldi. Qiziq tomoni shundaki, Matilda De Anjelisning aktyorlik bo‘yicha maxsus ta’limi yo‘q. Yaqinda u Netflix’ning “Lidiya Poet qonuni” serialida rol o‘ynab, Italiyadagi birinchi ayol huquqshunos obrazini gavdalantirdi. Uning Lidiya Poet ismli qahramoni qotilliklarni tergov qiladi va advokat sifatida ishlash huquqi uchun kurashadi.

Miriam Leone

Miriam Leone aktrisa va teleboshlovchi, 2008-yilgi “Italiya go‘zali” tanlovi g‘olibi. 2010-yilda u kinodagi karyerasini boshladi va “Politsiya bo‘limi” filmida Mara Fermi rolini o‘ynadi. Keyin u “Medichi: Florensiya hukmdorlari” va “Muhtasham Medichi” teleseriallarida ishtirok etdi.

2021-yilda Leone 1962-yilgi italyan komiksiga asoslangan “Iblis” filmida Yeva Kant rolini o‘ynadi.