Toshkent shahrining Mirzo Ulug‘bek tumanida bir guruh shaxslar uylardan birini ijaraga olib, Call-markaz faoliyatini yo‘lga qo‘ygan. Bu haqda Toshkent shahar IIBB matbuot xizmati xabar berdi.
Ular soxta qo‘ng‘iroqlar orqali firibgarlik yo‘li bilan fuqarolarni aldab, mol-mulklarini talon-toroj qilish bilan shug‘ullanib kelgan.
Jinoiy guruhda ikki nafar tashkilotchi hamda 20 ga yaqin operatorlar faoliyat yuritgan.
Tezkor tadbir davomida gumonlanuvchilardan 15 mingdan ortiq fuqaroning abonent raqamlari va shaxsga doir maʼlumotlari, shuningdek, giyohvand moddalar, 35 dona uyali aloqa vositasi hamda 10 dan ortiq plastik kartalar ashyoviy dalil sifatida rasmiylashtirib olingan.
Holat yuzasidan Jinoyat kodeksining 278-4-moddasi (kompyuter axborotini modifikatsiyalashtirish) bilan jinoyat ishi qo‘zg‘atilib, gumonlanuvchilar qamoqqa olindi.
Avvalroq Farg‘ona viloyatida huquq-tartibot idoralari hamkorligida xalqaro miqyosda juda katta miqdorda pul mablag‘larini firibgarlik yo‘li bilan qo‘lga kiritib kelayotgan jinoiy guruh faoliyati fosh etilgandi.
Izoh (0)