Barselonadagi Global Salomatlik Instituti (ISGlobal) olimlari o‘tkazgan tadqiqotga ko‘ra, kelajakda Arktika muzlarining erishi oqibatida mamlakatlar ob-havosi keskin o‘zgarishi mumkin. . O‘tgan o‘n yillikda buning ta’sirida ko‘plab mamlakatlarda kuchli yomg‘irlar va anomal issiq ob-havo kuzatildi. Bu haqda “IS Global” xabar berdi.
Tadqiqot shuni ko‘rsatadiki, Arktika muzlarining erishi AQSH janubi-g‘arbi, Kaliforniya shtatining iqlimi quruqroq bo‘lishiga olib kelgan. Bu hodisa ayniqsa, qish mavsumida yaqqol sezilmoqda. Shuningdek, bu jarayon Ispaniya va Portugaliya iqlimiga ham ta’sir ko‘rsatib, qishda namlik darajasining oshishiga sabab bo‘lmoqda.
Dengiz muzlarining erishi nafaqat Arktikaga yaqin hududlar, balki ancha uzoq mamlakatlar iqlimining o‘zgarishiga ham sabab bo‘lmoqda.
Bundan tashqari, Arktikaning tez isishi ob-havoni boshqaradigan kuchli shamollar oqimini zaiflashtirib qo‘ymoqda. Bu oqim janubiy hududlarda sovuq havo massalari va shimoliy mintaqalarda issiqlik to‘lqinlari kabi keskin ob-havo hodisalariga yo‘l ochib bermoqda. Misol uchun, Arktika isishi bilan bog‘liq qutb girdob tizimining zaiflashuvi 2021-yilda Texasdagi muzlash va 2017-yildagi “Harvi dovuli” paytidagi kuchli suv toshqinlari kabi hodisalarga sabab bo‘ldi.
Kanadada muzlarning erishi oqibatida ko‘plab hayvon va o‘simlik turlari xavf ostida qolmoqda. Muzlar erishi, shuningdek, hududdagi dengiz yo‘llari va resurslar bilan bog‘liq iqtisodiy masalalar va transport tizimlariga ta’sir ko‘rsatgan.
Grenlandiyada ham muzlarning erishi ham katta tashvishlarga sabab bo‘lyapti. Bu jarayon nafaqat ekologik muammolarni keltirib chiqaradi, balki global dengiz sathining ko‘tarilishiga ham sabab bo‘ladi.
Izoh (0)