“Hayot-mamot o‘yinlari” va “G‘aroyib odamlar” franshizalari yulduzi Jennifer Lourens ikkinchi farzandli bo‘ldi. Film Updates nashrining X ijtimoiy tarmog‘idagi o‘z sahifasida ma’lum qilishicha, 34 yoshli aktrisa farzandini bir necha kun avval dunyoga keltirgan.
Hozircha bolaning jinsi, uning tug‘ilgan sanasi hamda ismi noma’lum. Aktrisaning o‘zi va uning turmush o‘rtog‘i, san’at galereyasi direktori Kuk Maroni ushbu quvonchli voqea haqida rasman e’lon bermadi, ularning vakillari tomonidan hech qanday raddiya ham berilmadi.
Jennifer Lourensning homiladorligi 2024-yil oktyabr oyida ma’lum bo‘lgan edi. Bundan keyingi oylarda aktrisa faol hayot tarzini olib bordi, ijtimoiy tadbirlarda o‘sib borayotgan qornini yashirmaydigan liboslarda namoyon bo‘ldi.
Jennifer Lourens va Kuk Maruni bir yillik tanishuvdan so‘ng 2019-yilda turmush qurgan. Ularning birinchi farzandi 2020-yilda tug‘ilishi kerak edi, biroq Lourens “Yuqoriga qarama” filmini suratga olish vaqtida homilasini yo‘qotgan. Keyinchalik aktrisa yana homilador bo‘ldi va 2022-yil fevral oyida ona bo‘ldi. Ular farzandini taniqli rassom va haykaltarosh Say Tvombli sharafiga Sat deb ism qo‘yishdi.
Izoh (0)