Bahor kelishi bilan hammada motivatsiya va ilhom paydo bo‘ladi. Agar hayotingizga yanada yorqinroq taassurotlar qo‘shmoqchi bo‘lsangiz, bu yangi seriallar ro‘yxati aynan siz uchun. Ularning ba’zilari mart oyida efirga uzatiladi, ba’zilari esa faqat shu mavsumda namoyish etilishi kutilmoqda.
“Gangsterlend”
Shu oy oxiridagi eng yorqin premyera “Gangsterlend” seriali bo‘ladi. Bu —Tom Hardi, Helen Mirren va Pirs Brosnan bosh rollarni ijro etgan jinoiy drama. Syujetga ko‘ra, Londondagi jinoyatchi bosslar — Harriganlаr qudratli imperiya tepasida turadi. Ularning yangi raqibi paydo bo‘ladi, u hokimiyat uchun hamma narsaga tayyor. Harriganlar har qanday xavfni bartaraf etadigan sodiq va shafqatsiz ish bitiruvchisi Garri da Souzaga murojaat qilishadi. Biroq u murakkab tanlov oldida qoladi: oilasiga sodiq qolishmi yoki o‘z yo‘lidan borish.
“Bizlardan birimiz”
“Bizlardan birimiz” serialining ikkinchi mavsumi premyerasi 13-aprelga mo‘ljallangan. 2023-yilda Pedro Paskal va Bella Remzi bosh rollarda ijro etgan ushbu post-apokaliptik drama katta shov-shuvga sabab bo‘ldi. Ikkinchi mavsum voqealari birinchi qismda ko‘rsatilgan hodisalardan besh yil o‘tgach sodir bo‘ladi. Ssenariy kompyuter o‘yinining davomiga asoslangan. Elli va Joel Tommining jamoasida yashaydi. Ular sirli notanish odamlarning paydo bo‘lganini bilib qolishadi va Elli do‘sti Dina bilan birga ularni izlashga yo‘l oladi.
“Killerbot”
May oyi o‘rtalarida Apple TV+ striming platformasida “Killerbot” nomli fantastik jangari filmining premyerasi bo‘lib o‘tadi. Unda bosh rollardan birini Aleksandr Skarsgard ijro etadi. Uzoq kelajakda android-qo‘riqchilar inson uchun kosmik ekspeditsiyalarda ajralmas hamrohga aylangan. Biroq o‘zining boshqaruv modulini buzib kirgan androidlardan biri vazifalarni bajarishda erkin fikrlash qobiliyatini yashiradi. U ichki kechinmalarga boy bo‘lib, seriallar tomosha qilishni yoqtiradi va tobora insonlarga o‘xshab boradi.
“Kinostudiya”
26-mart kuni “Kinostudiya” seriali ekranlarga chiqadi. Mett Remik qiyin davrni boshdan kechirayotgan Continental Studios kinokompaniyasining rahbari. U kinoga mukkasidan ketgan, ammo har lahzada karyerasi barbod bo‘lishi mumkinligidan xavotirlanadi. Qahramon bir daqiqa ham buyuk kinoasarlar yaratish poygasidan chetda qolmaydi. Filmda Set Rogen, Zak Efron, Sharliz Teron, Martin Skorseze va boshqa ko‘plab mashhurlar ishtirok etgan.
“Qizil daryo”
Yaqinda Amanda Sayfred bosh rolni ijro etgan “Qizil daryo” nomli dramatik triller ekranlarga chiqdi. Filadelfiyaning notinch tumanlaridan birida ikki opa-singil yashaydi. Biroq kunlarning birida ularning hayoti butunlay qarama-qarshiga aylanadi. Keysi yomon odatlarga mubtalo bo‘lib, ko‘chada yashay boshlaydi. Mikki esa politsiyachi sifatida o‘sha ko‘chalarda patrul xizmatini o‘taydi. Kutilmaganda Keysi g‘oyib bo‘ladi va opasi o‘z tergovini boshlashga majbur bo‘ladi.
“Rezidensiya”
Bu hafta, 20-mart kuni “Rezidensiya” nomli detektiv drama efirga uzatiladi. Ushbu mini-serial amerikalik jurnalist va yozuvchi Keyt Andersen Brauerning “Rezidensiya: Oq uyning yashirin hayoti” kitobi asosida yaratilgan. Syujetga ko‘ra, rasmiy davlat ziyofati paytida qotillik sodir bo‘ladi. Jinoyatchini fosh qilish uchun AQSH prezidenti qarorgohiga g‘alati xususiyatlarga ega ayol — detektiv Kordeliya Kapp tashrif buyuradi. U barcha mehmon va xodimlardan shubhalanadi.
“Sen”
Aprel oyi oxirida Netflix’da “Sen” seriali chiqadi. Ushbu jinoiy melodramaning muxlislari ko‘p, chunki u 2018-yildan beri davom etmoqda va bu beshinchi yakuniy mavsum bo‘ladi. Loyihada bosh rolni Penn Badjli ijro etadi. Yangi qism syujetiga ko‘ra, Jo Goldberg o‘zining baxtli va mukammal hayotidan zavqlanish uchun Nyu Yorkka qaytadi. Ammo to‘satdan u o‘tmish sharpalari va o‘zining qora istaklari tufayli xavf ostida qoladi. Serial asosida yozuvchi Kerolayn Keppesning bir qator romanlari yotadi.
Izoh (0)