Meksikaning “Leon” klubi va Kolumbiya terma jamoasi futbolchisi Xames Rodriges 2024-yilgi Amerika Kubogi finalida Argentina hakamlarning yordami bilan g‘alaba qozonganini aytib o‘tdi.
Bu haqida futbolchi Marca nashriga bergan intervyusida gapirdi.
Argentina finalda tashqi omillar tufayli g‘alaba qozondi. Aynan shuning uchun biz o‘tgan yili chempion bo‘lolmadik. Hakamning o‘yinga ta’siri juda katta bo‘ldi. Bizning foydamizga kamida ikkita penalti berilmadi. Nima uchun boshqa o‘yinlardagi kabi VAR audio yozuvlari e’lon qilinmadi? Bu juda g‘alati va shubhali, dedi kolumbiyalik futbolchi.
Eslatib o‘tamiz, Argentina 2024-yilgi Amerika Kubogi finalida Kolumbiyani 1:0 hisobida mag‘lub etib, chempionlikni qo‘lga kiritgan edi.
Ma’lumot uchun, Xames joriy mavsum “Leon” klubi safida 11 uchrashuvda maydonga tushib, 2 gol va 5 assist muallifiga aylangan. Uning Meksika klubi bilan shartnomasi 2025-yilning oxirigacha amal qiladi.
Izoh (0)