Qrim yarim orolining Rossiya tomonidan anneksiya qilinishi xalqaro huquqning buzilishi hisoblanadi. Bu haqda Turkiya TIVning Rossiya tomonidan Qrim anneksiya qilinganining 11 yilligi munosabati bilan bergan bayonotida aytiladi.
Hujjatda qayd etilishicha, Anqara bu vaziyatni nomaqbul deb hisoblaydi va Ukrainaning hududiy yaxlitligi va suverenitetini qo‘llab-quvvatlaydi.
“Biz Qrimdagi vaziyatni, ayniqsa, yarim orol tub aholisi bo‘lgan Qrim tatar-turklarining ahvolini diqqat bilan kuzatishda davom etamiz va bu masalani xalqaro hamjamiyat kun tartibida ushlab turishda davom etamiz”, deyiladi bayonotda.
Eslatib o‘tamiz, Qrim yarimorolining Rossiya tomonidan bosib olinishi 2014-yil 20-fevralda qo‘shinlarning kiritilishi va strategik obyektlarning egallab olinishi bilan boshlangan. 16-mart kuni Rossiya harbiylari nazorati ostida “referendum” o‘tkazildi. Ikki kundan so‘ng Rossiya tegishli “hujjat”ni imzolab, Qrimning “qo‘shib olinishi”ni e’lon qildi. 27-mart kuni BMT bosh assambleyasi Ukrainaning hududiy yaxlitligini tasdiqlovchi rezolyutsiyani qabul qildi.
Izoh (0)