AQSH prezidenti Donald Tramp terroristik tashkilot bo‘lgan ISHIDning Iroqdagi guruhi yetakchilaridan biri yo‘q qilinganini e’lon qildi. Bu haqda u Truth Social nashrida yozdi.
“Bugun ISHIDning Iroqdagi qochqin rahbari bizning jasur askarlarimiz tomonidan tinimsiz ovdan so‘ng o‘ldirildi”, deb yozgan Tramp. Shuningdek, u operatsiya Iroq hukumati va Iroq Kurdistoni rasmiylari bilan kelishilgan holda o‘tkazilganini ta’kidladi.
14-mart kuni Iroq bosh vaziri va bosh qo‘mondoni Muhammad as-Sudaniy Abu Xadicha laqabli ISHID yetakchilaridan biri yo‘q qilinganini ma’lum qilgandi.
Unga ko‘ra, Iroq xavfsizlik kuchlari bu operatsiyani xalqaro koalitsiya kuchlari ko‘magida amalga oshirgan.
Izoh (0)