Paynet tizimi Uzcard tarmog‘idagi bankomatlarga ulanmoqda, bu esa foydalanuvchilarga to‘lovlarni qulay va tez amalga oshirish uchun yangi imkoniyatlar yaratadi.
Paynet xizmatlari allaqachon Asaka, Mikrokredit va Ipoteka-bank kabi banklarning bankomatlari orqali ishlayapti va yaqin orada Xalq banki hamda O‘zSQB ham ushbu tarmoqqa qo‘shiladi. Endi to‘lov uchun alohida terminallar yoki shoxobchalarni qidirish shart emas: kartani bankomatga kiritib, PIN-kodni terib,“Boshqa to‘lovlar” bo‘limiga o‘tib, kerakli xizmatni tanlash kifoya.
Hozirda Paynetni qo‘llab-quvvatlovchi bankomatlar tarmog‘i O‘zbekiston bo‘ylab joylashgan 500 ta qurilmani o‘z ichiga oladi. Kompaniya o‘z xizmatlarini yanada ko‘proq terminallarda taqdim etish uchun boshqa banklar bilan muzokaralar olib bormoqda.
“Bu mijozlar uchun qulaylik va vaqtni tejash imkoniyatidir. Paynet nafaqat o‘zining texnik imkoniyatlarini kengaytirmoqda, balki odamlarga mamlakatning istalgan nuqtasida xizmatlarni to‘lashning qulay va sodda usulini taqdim etib, xizmat ko‘rsatishda yetakchi bo‘lib qolish istagini ham tasdiqlaydi”, deydi Paynet kompaniyasi bosh direktori Anvar Isamuxamedov.
Reklama huquqi asosida.
Izoh (0)