“Biznesni rivojlantirish banki” ATB tomonidan “Yangiyo‘l-agrostar” kompaniyasining tomorqachilik maktabida aholining tomorqa yer maydonlaridan foydalanish samaradorligini oshirishga bag‘ishlangan seminar o‘tkazildi.
Tadbirda ishtirok etgan hokim yordamchilariga yangi qabul qilingan muhim hujjatlar va yangiliklar haqida axborot berildi. Xususan, davlatimiz rahbarining joriy yil 14-fevralda qabul qilingan “Tomorqa yer egalari va dehqon xo‘jaliklari faoliyatida zamonaviy tashkiliy tizimni joriy qilish va moliyaviy qo‘llab-quvvatlashning qo‘shimcha chora-tadbirlari to‘g‘risida”gi Farmoni hamda “O‘zagrostar xolding” kompaniyasi faoliyatini tashkil etish to‘g‘risida”gi qarori mazmun-mohiyati tushuntirildi.
Shuningdek, bu yo‘nalishda aholi orasida bank mahsulotlarining targ‘ibotini olib borish, qo‘shimcha imkoniyatlarni aniqlash va fuqarolarning tomorqadan samarali foydalanishiga doir ishlarni tashkil etish bo‘yicha zarur tavsiyalar berildi.
Taʼkidlash lozimki, “Biznesni rivojlantirish banki” mahallalarning ixtisoslashuvidan kelib chiqqan holda yuqori daromadli va eksportbop mahsulotlar yetishtirishni moliyaviy qo‘llab-quvvatlamoqda. Yaqinda yo‘lga qo‘yilgan “Mahalla bankirlari” bu yo‘nalishda faol ish olib bormoqda.
Misol uchun, Yangiyo‘l tumani “Bunyodkor” mahallasida yashovchi Alijon Aripboyevga “Biznesni rivojlantirish banki”ning “Mahalla bankiri” ko‘magida 60 mln so‘m kredit ajratildi. Alijon akaning 21 sotix maydondagi issiqxonasiga ekkan 8,5 ming tup bulg‘or qalampiri allaqachon hosil bera boshlagan. Bunday misollar talaygina.
“Biznesni rivojlantirish banki” ATB va “O‘zagrostar xolding” kompaniyasining hamkorlikdagi loyihalari tomorqa yer egalari va dehqon xo‘jaliklari faoliyatini zamonaviy asoslarda yanada rivojlantirishga qaratilgani bilan ahamiyatlidir.
Reklama huquqi asosida.
Izoh (0)