O'zbekistonlik grossmeyster Nodirbek Yakubboyev Prague International Chess Festival xalqaro turnirida g’alaba qozondi. Bu haqida O'zbekiston shaxmat federatsiyasi matubot xizmati xabar berdi.
Praga shahrida shaxmat bo‘yicha anʼanaviy Prague International Chess Festival xalqaro turnirining “Chellengers” guruhida ishtirok etayotgan shaxmatchi Nodirbek Yakubboyev raqibi Jonas Bjerre ustidan g’alaba qozondi va chempionlikni qo‘lga kiritdi. U turnir davomida biror marotaba mag‘lubiyatga uchramagan holda, 9 turdan keyin 7 ochko to‘pladi.
Shuningdek, Nodirbek chempionlik bilan birga 2026-yilda o’tkaziladigan ushbu turnirning “Masters” guruhiga yo‘llanmani ham qo’lga kiritdi.
Eslatib o‘tamiz, yaqinda Jahon shaxmat federatsiyasi fevral oyi yakunlangach, o‘z reytingini yangiladi. Ushbu yangilangan jahon reytingida Nodirbek Yakubboyev 2654 bilan 71-o‘rinda qayd etildi.
Izoh (0)