Mobiuz mobil aloqa operatori O‘zbekistonning g‘arbiy hududlarida o‘zining texnik infratuzilmasini modernizatsiya qilish bo‘yicha investitsiya loyihasini amalga oshirmoqda.
Loyiha tarmoq qamrovini kengaytirish, ulanishni o‘rnatish vaqtini qisqartirish, maʼlumotlarni uzatish tezligini oshirish, tarmoqlarda kechikishlarni kamaytirishga xizmat qiladi. Asosiy maqsad – Qoraqalpog‘iston va Xorazmdagi shaharlar, tuman markazlari va qishloqlarda yangi texnologik yechimlarni joriy etish va u yerda yuqori tezlikdagi mobil internetni taʼminlash.
Mobiuz mutaxassislari yuqori o‘tkazuvchanlik va ishonchlilik bilan ajralib turadigan zamonaviy uskunalarni o‘rnatishni boshladilar.
Loyiha 2025-yilning mart oyidan sentyabr oyigacha davom etadi. Ishlar, shu jumladan, mavjud tayanch stansiyalarida, abonentlarga xizmat ko‘rsatuvchi ishchi tarmoqda olib boriladi. Shu munosabat bilan uskunalarni almashtirish bosqichma-bosqich amalga oshiriladi hamda vaqt, muddat va bosqichlar bo‘yicha qatʼiy tartibga solinadi.
Shunga qaramay, baʼzi davrlarda maʼlum hududlarda amalga oshirilayotgan ishlar aloqa sifatiga qisqa muddatga taʼsir ko‘rsatishi mumkin. Mobiuz yuzaga kelishi mumkin bo‘lgan noqulayliklarni kamaytirish va jarayonning shaffofligini taʼminlash maqsadida SMS-xabarnomalar orqali abonentlarni o‘z hududida ish olib borilayotgani haqida o‘z vaqtida xabardor qilib boradi. Shuningdek, ishlar haqidagi barcha maʼlumotlar kompaniya veb-saytining «Profilaktika ishlari« bo‘limida (https://company.mobi.uz/uz/maintenance/) joylashtiriladi.
Qoraqalpog‘iston va Xorazmda tarmoqni keng ko‘lamli modernizatsiya qilish davrida Mobiuz maxsus manzilli sodiqlik dasturini ishga tushirdi.
Zamonaviy texnologiyalarni joriy etish va xizmat ko‘rsatishning yuqori darajasini saqlab qolishga intilib, Mobiuz kompaniyaning barcha tashabbuslari asosida yotgan qadriyatlarga amal qilishda davom etmoqda.
Mobiuz uchun nafaqat aloqani taʼminlash, balki qayerda bo‘lishidan qatʼi nazar, har bir abonent uchun imkoniyatlar yaratish ham muhimdir. Kompaniya raqamli infratuzilmani rivojlantirishga bor kuch va tajribasini sarflamoqda. Zero sifatli aloqa – bu yangi g‘oyalar, muvaffaqiyatli taʼlim va zamonaviy dunyoda to‘laqonli hayot demakdir. Mobiuz uyali aloqasi insonlarni birlashtiradi va birgalikda oldinga intilishga yordam beradi.
Qoraqalpog‘iston va Xorazm viloyatida tarmoqni keng ko‘lamda modernizatsiya qilinishi millionlab fuqarolar uchun aloqani yaxshilaydi, raqamli xizmatlar va innovatsion yechimlarni yanada rivojlantirish uchun ishonchli asos yaratadi.
Reklama huquqi asosida.
Izoh (0)