Yoshligida Uenzdey obrazi bilan tanilgan aktrisa Kristina Richchiga Gollivudning Shon-sharaf xiyobonida o‘z yulduzi topshirildi. Uning yulduzi 2803-raqamga ega bo‘ldi.
“Bunday e’tirof men uchun juda ko‘p narsalarni anglatadi. Aslida tabiatan his-tuyg‘ularini ta’sirchan ifodalaydigan odam emasman, ammo bunday qadrni alohida qayd etish va tashakkur bildirish men uchun muhim”, dedi Richchi Variety nashriga bergan intervyusida.
Marosimda aktrisani yaqin qarindoshlari, turmush o‘rtog‘i Mark Hempton, qizi Kleo va o‘g‘li Freddi qo‘llab-quvvatlash uchun tashrif buyurdi.
Ma’lumot uchun, Kristina Richchi 1980-yil 12-fevralda AQSHning Kaliforniya shtati, Santa-Monika shahrida tug‘ilgan. U to‘rt farzandli oilaning kenjasi bo‘lib, onasi Sara Merdok rieltor, otasi Ralf Richchi esa advokat edi.
Richchi 9 yoshida “Suv parilari (1990) filmida debyut qildi. Uning faoliyatidagi eng mashhur film 1991-yilda chiqqan “Adamslar oilasi”dir. U Uenzdey rolini o‘ynaganida 11 yoshda edi. “Addamslar oilasi” Kristinaning karyerasi uchun ajoyib tramplin bo‘ldi.
So‘ng aktrisa ishtirokidagi “Uyqu bo‘shlig‘i” tijoriy muvaffaqiyat va tanqidchilar e’tirofiga sazovor bo‘ldi. Richchi Katrina Van Tassel roli uchun “Saturn” mukofotiga sazovor bo‘ldi. Keyingi 5 yil Kristina uchun shon-shuhrat yillari bo‘ladi: aktrisa mashhur teleko‘rsatuvlarga chaqirildi va kino tanqidchilari uning mahorati haqida maqtovli sharhlar yozdi. 2022-yil oxirida “Uenzdey” serialining remeyki chiqdi. Yangi loyihada aktrisa makkor botanika o‘qituvchisi sifatida qayta tug‘ildi.
Taniqli asarlar orasida arvoh haqidagi “Kasper” va, albatta, Tim Byortonning “Uyqu bo‘shlig‘i” filmini eslash mumkin.
Izoh (0)