Fransiya professional futbol ligasi (LFP) intizomiy qo‘mitasi “Lion” bosh murabbiyi Paulo Fonsekaga jiddiy jazo tayinladi. U 2025-yil 30-noyabrgacha diskvalifikatsiya qilindi. Bu haqida RMC sport nashri ma’lum qildi.
Bu qaror Fonsekaning yakshanba kuni “Lion” – “Brest” (2:1) uchrashuvi vaqtida hakam Benua Miyo bilan janjallashgani uchun chiqarildi. VAR tizimi orqali bahsli holat ko‘rib chiqilayotgan paytda murabbiy maydon chetida juda keskin harakat qilgan. Hakam uni maydondan chetlatgach, Fonseka unga yaqin kelib, baland ovozda norozilik bildirgan va unga bosim o‘tkazishga uringan. Uning g‘azabini dastlab Koranten Tolisso, keyin esa butun murabbiylar shtabi bosa olmagan.
Paulo Fonsekaning jazosi ikki bosqichdan iborat:
- 2025-yil 15-sentyabrgacha – U jamoaning rasmiy shaxs sifatida har qanday faoliyatida qatnasha olmaydi. Jumladan, murabbiylar shtabi, futbolchilar kiyinish xonasi, maydon va unga olib boruvchi yo‘laklarga kirishi taqiqlanadi.
- 2025-yil 30-noyabrgacha – U murabbiylar o‘rindig‘iga chiqishi, hakamlar xonasiga kirishi va jamoaning rasmiy uchrashuvlarida faoliyat yuritishi mumkin emas.
Ma‘lumot uchun, hozirda “Lion” klubi Fransiya chempionati 24-turidan keyin turnir jadvalida 39 ochko bilan 6-o‘rinda turibdi.
Izoh (0)