Microsoft kompaniyasiga tegishli Skype videokonferensaloqa xizmati 2025-yil 5-mayda o‘z faoliyatini to‘xtatishini eʼlon qildi.
“Yaqin kunlarda Microsoft Teams platformasiga o‘tish uchun akkauntlaringizdan foydalanishingiz mumkin”, deb yozdi RBC.
Skype akkaunti bilan Microsoft Teams platformasiga kirilganda, suhbatlar va kontaktlar avtomatik ravishda ilovada paydo bo‘ladi.
“Siz to‘xtagan joydan ishlashni davom ettira olasiz”, deb va’da qildi xizmat. Foydalanuvchilar 5-maygacha o‘tishni amalga oshirishlari kerak, 5-maydan so‘ng Skype faoliyatini yakunlaydi.
2016-yilda Skype 300 million oylik foydalanuvchilarga ega edi. 2023-yil holatiga ko‘ra, undan atigi 36 million kishi foydalangan. Aksariyat foydalanuvchilar Telegram, Zoom, WhatsApp, iMessage va Discord kabi zamonaviy platformalarga o‘tishgan.
Bir qator onlayn konferensiya xizmatlari mashhurligini yo‘qotayotib borayotgani avvalroq xabar qilingan edi.
Zoom, Skype, Google Meet, MS Teams korporativ foydalanuvchilari ulushi 2023-yil aprelida 6-7 foizga kamaydi.
Izoh (0)