Joriy yil 3-mart kuni Los Anjelesdagi Dolby teatrida “Oskar” mukofoti o‘z egalariga topshirildi. 97-sonli marosimning mutlaq g‘olibi sifatida ko‘plab shov-shuvga sabab bo‘lgan “Anora” filmining muallifi Shon Beyker deb topildi. 54 yoshli rejissyor eng yaxshi film, montaj, rejissyorlik ishi va ssenariy kabi nominatsiyalarda yutib chiqdi.
2025-yilda o‘tkazilgan “Oskar”dan avval Uolt Disney mukofotlar soni bo‘yicha rekordchi hisoblangan, u 1954-yilda to‘rtta “Oskar”ni olgan. Ammo Disneydan farqli o‘laroq, Beyker barcha mukofotlarini bitta film uchun qo‘lga kiritgan birinchi g‘olib bo‘ldi. Uolt Disney esa turli nominatsiyalar bo‘yicha “Tirik cho‘l”, “Alyaskalik eskimos”, “Ayiq mamlakati” kabi loyihalari uchun g‘olib bo‘lgan edi.
“Anora” filmi jami beshta nominatsiya: “Eng yaxshi film”, “Eng yaxshi rejissyor”, “Eng yaxshi original ssenariy”, “Eng yaxshi aktrisa” (Mayki Medison) va “Eng yaxshi montaj”da g‘olib bo‘ldi.
2025-yildagi “Oskar” sovrindorlarining to‘liq ro‘yxati bilan bu yerda tanishishingiz mumkin.
Izoh (0)