Navoiy viloyati Karmana tumanidagi 15-maktab o‘quvchisi farzandli bo‘lgani haqida xabarlar tarqaldi. Holat yuzasidan Maktabgacha va maktab ta’limi vazirligi “Daryo”ga ma’lumot berdi.
Unga ko‘ra, ayni vaqtda mazkur holat yuzasidan huquqni muhofaza qiluvchi organlar tomonidan o‘rganish o‘tkazilmoqda. Shuningdek, maktab direktori ona bo‘lgan o‘quvchiga ayrim fanlardan darsga ishtirok etmasa ham baho qo‘yib borgani aytilgan edi. Vazirlik ayrim fanlardan o‘qituvchilarning darsga ishtirok etmagan o‘quvchiga baho qo‘yib borgani haqidagi vajlar ayni vaqtda viloyat Maktabgacha va maktab ta’limi boshqarmasi mas’ullari tomonidan o‘rganilayotganini ta’kidladi.
Shu kabi holat Samarqand viloyatida ham kuzatilgandi. Samarqand viloyatidagi maktabning 8-sinf o‘quvchisi, 2009-yilda tug‘ilgan P.Z. 2023-yil avgust oyida o‘ziga avvaldan tanish bo‘lgan, 2006-yilda tug‘ilgan SH.E. bilan yaqin munosabatda bo‘lgan. 2024-yil 6-may kuni shifoxonada chaqaloq dunyoga keltirgan.
Shuningdek, 2023-yil yanvar–iyun oylarida O‘zbekistonning 5 ta hududida 6 nafar maktab o‘quvchisida erta homiladorlik holatlari aniqlangan. Maktabgacha va maktab taʼlimi vazirligi boshqarma boshlig‘i o‘rinbosari Azamat Kamolovning aytishicha, o‘quvchilarda erta homiladorlik darsdan tashqari vaqtlarda sodir bo‘lgan.
Izoh (0)