O‘zbekistonda 2024/25-o‘quv yili boshiga faoliyat yuritayotgan 455 ta nodavlat umumtaʼlim tashkilotlarida jami 112 ming 093 nafar o‘quvchi tahsil olmoqda. Bu haqda Statistika agentligi xabar berdi.
Ushbu ko‘rsatkich 2018/19-o‘quv yili boshiga nisbatan 8,1 baravarga yoki 98 324 nafarga ko‘paygan.
Yillar kesimida nodavlat umumtaʼlim tashkilotlarida tahsil olayotgan o‘quvchilar soni:
2018/19-o‘quv yili boshiga – 13 769 nafar;
2019/20-o‘quv yili boshiga – 21 042 nafar;
2020/21-o‘quv yili boshiga – 26 970 nafar;
2021/22-o‘quv yili boshiga – 30 553 nafar;
2022/23-o‘quv yili boshiga – 45 927 nafar;
2023/24-o‘quv yili boshiga – 64 010 nafar;
2024/25-o‘quv yili boshiga – 112 093 nafar.
Avvalroq O‘zbekistondagi maktablarda taʼlim berayotgan o‘qituvchilarning umumiy soni 2024/2025-o‘quv yili boshida 564,9 ming nafarni tashkil etgani haqida xabar berilgandi.
Izoh (0)