O‘zbekistonda amaldagi mehnat qonunchiligi talablariga rioya etmasdan bo‘shatilgan va o‘z ish joyini yo‘qotgan 68 nafar fuqaro ishga tiklandi hamda ularga to‘lanmay qolgan 40 milliard so‘mlik ish haqlari undirildi. Bu haqda 28-fevral kuni MIB rahbariyati ishtirokida o‘tkazilgan matbuot anjumanida ma’lum qilindi.
Qayd etilishicha, ko‘rilgan chora-tadbirlar natijasida 2025-yilning o‘tgan davrida jami 3,6 trillion so‘mlik undiruvlar amalga oshirilgan bo‘lib, o‘tgan yilning mos davriga nisbatan 460 milliard so‘mga oshganini ko‘rsatmoqda.
MIBning hududiy boshqarmalarida axborot texnologiyalari yordami bilan muqobil ravishda va masofaviy ishlayotgan 15 ta tumanlararo bo‘limlari tomonidan majburiy ijro harakatlari amalga oshirilmasdan hamda fuqarolarning mol-mulklariga daxl qilmasdan 95,5 milliard so‘mlik (238,4 mingta) hujjatlarning ijrosi ta’minlandi.
Hozirda byuro organlari tomonidan ijro etish jarayonini yanada raqamlashtirish bo‘yicha chora-tadbirlarga alohida e’tibor qaratilmoqda. Jumladan, ijro hujjatlari bo‘yicha ijro ishi qo‘zg‘atilgani va qo‘llanilgan cheklovlar to‘g‘risida qarzdorlarni ogohlantirish tizimi takomillashtirilib, 9,9 milliontadan ortiq SMS-xabarnomalar jo‘natildi.
Qarzdorlik haqida o‘z vaqtida xabar berilgani natijasida 71 mingga yaqin ijro ishlari ixtiyoriy muddatda tamomlanib, o‘tgan yilga nisbatan 53,7 foizga oshdi.
O‘zbekistonda mehnat ta’tiliga haq to‘lashda endi yakshanba hisobga olinmaydi. Homiladorligi yoki farzandi borligi sababli xodimni ishdan bo‘shatishga taqiq joriy etildi.
2024-yilda O‘zbekistonda o‘rtacha nominal (soliq va boshqa to‘lovlarni o‘zi ichiga olgan) oylik ish haqi 5 million 357 ming so‘mni tashkil etgan.
O‘tgan yil yanvar–dekabr oylarida hududlar bo‘yicha o‘rtacha oylik ish haqining eng yuqori ko‘rsatkichi doimgidek Toshkent shahri kuzatilgan — 9,1 million so‘m. Keyingi o‘rinlarda Navoiy (6,7 million so‘m), Toshkent (5,1 million so‘m), Andijon (4,6 million so‘m) hamda Buxoro (4, 3 million so‘m) viloyatlari qayd etilgan. Eng kam o‘rtacha ish haqi Qashqadaryo (3,8 million so‘m), Surxondaryo (3,8 million so‘m) va Namangan (3,9 million so‘m) viloyatlarida kuzatilgan.
Izoh (0)