Markaziy bankning rasmiy veb-saytida inflyatsiya kalkulyatori ishga tushirildi. Uning yordamida ixtiyoriy oylar yoki yillar oralig‘ida inflyatsiyaning pul qiymatiga taʼsirini ko‘rish mumkin.
Kalkulyatordan inflyatsiya vaqt o‘tishi bilan aholi va tadbirkorlar xarid qobiliyatiga qanday taʼsir qilayotganini baholashda foydalanish mumkin. Buning uchun hisoblagichga maʼlum bir summa kiritiladi. Keyin vaqt oralig‘ini tanlash orqali pulning bugungi yoki o‘tgan yillardagi qiymati kelib chiqadi.
Masalan, 1999-yil dekabrdagi 100 ming so‘m qiymati 2025-yil yanvarda 1 mln 234 so‘mga teng bo‘lgan. O‘tgan vaqt davomida yig‘ilgan inflyatsiya qariyb 1133 foizni tashkil etgan. Mazkur davr mobaynidagi o‘rtacha yillik inflyatsiya 10,54 foizga to‘g‘ri keladi.
Hisoblagich Statistika agentligining inflyatsiya bo‘yicha hisob-kitoblari asosida ishlaydi. Maʼlumotlar bazasiga 1999-yil dekabr oyidan boshlab 2025-yanvarigacha bo‘lgan vaqt oralig‘idagi so‘m qiymati qanday o‘zgargani to‘g‘risida raqamlar kiritilgan.
Inflyatsiya kalkulyatori Markaziy bank veb-saytining bosh sahifasi hamda “Pul-kredit siyosati” bo‘limida joylashgan.
Izoh (0)