Hukumatning “Fuqarolarga identifikatsiya ID-karta, xorijga chiqish biometrik pasport, haydovchilik va avtomototransport vositasini ro‘yxatdan o‘tkazilgani to‘g‘risida guvohnomaning maxsus raqamlarini berish bo‘yicha davlat xizmatlarini ko‘rsatish tartibini takomillashtirish haqida”gi qarori loyihasi muhokamaga qo‘yildi.
Qarorga ko‘ra, xaridorgir raqamlar komibinatsiyasiga ega bo‘lgan identifikatsiyalovchi ID-karta, xorijga chiqish biometrik pasporti, haydovchilik va avtomototransport vositasini ro‘yxatdan o‘tkazilgani to‘g‘risidagi guvohnomani oshirilgan to‘lov stavkalari bo‘yicha berish tizimi joriy etilishi mumkin.
2025-yil 1-martdan boshlab fuqarolarning xorijga chiqish biometrik pasporti va identifikatsiyalovchi ID-kartasini hamda transport vositalari guvohnomalarini berish bo‘yicha davlat xizmatlari xizmat ko‘rsatuvchi xodim tomonidan texnik qurilmalar hamda dasturiy taʼminotlar yordamida oshirilgan to‘lov stavkalari asosida ko‘rsatiladi.
Fuqarolarning xorijga chiqish biometrik pasporti va identifikatsiyalovchi ID-kartasini hamda transport vositalari guvohnomalarini berish bo‘yicha davlat xizmatlarini oshirilgan to‘lov stavkalari asosida ko‘rsatishda tegishlicha Yagona interaktiv davlat xizmatlari portali, rasmiy veb-sayt hamda mobil ilovadan foydalaniladi.
2025-yil 1-martga qadar fuqarolarning xorijga chiqish biometrik pasporti va identifikatsiyalovchi ID-kartasini hamda transport vositalari guvohnomalarini berish bo‘yicha davlat xizmatlarini ko‘rsatish bo‘yicha axborot tizimi ishlab chiqiladi hamda ishga tushiriladi.
2025-yil 1-aprelga qadar axborot tizimi YIDXP bilan integratsiya qilinadi. Qaror bilan tasdiqlangan maʼmuriy reglamentga muvofiq YIDXP, rasmiy veb-sayt hamda dasturiy taʼminot orqali davlat xizmatlari joriy etiladi.
Fuqarolarning xorijga chiqish biometrik pasporti va identifikatsiyalovchi ID-kartasini hamda transport vositalari guvohnomalarini berish bo‘yicha davlat xizmatlaridan foydalanish uchun elektron arizani yuborish imkonini beruvchi mobil ilova ishga tushiriladi.
Izoh (0)