O‘zbek shou-biznesida bir-biri bilan qarindoshlik rishtalarini bog‘lagan ijodkorlar ko‘plab topiladi. Quyida bir-biriga qarindosh ekanini ko‘pchilik bilmaydigan mashhurlar haqida so‘z yuritamiz.
Ziyoda va Otabek Madrahimovlar
90-yillarning mashhur xonandasi Otabek Madrahimov taniqli baletmeyster, O‘zbekistonda xizmat ko‘rsatgan artist Ziyoda Madrahimovaning o‘g‘li hisoblanadi. U to‘qqiz yildirki, oilasi bilan AQSHning Filadelfiya shahrida istiqomat qiladi. Xonanda okean ortida logistika kompaniyasini tashkil qilgan. Kompaniya juda katta bo‘lib, uning Toshkentda ham filiali bor.
Dilorom Karimova va Malika Ibrohimova
O‘zbekiston xalq artistlari Dilorom Karimova hamda Malika Ibrohimovaning opa-singil ekanligini ko‘pchilik bilmasa kerak. Dilorom Karimova 1948-yilning fevral oyida, Malika Ibrohimova esa 1949-yilning oktyabrida tavallud topgan. Bu ikki ustoz san’atkorlar maktabda bir vaqtda tahsil olgan.
Dilnoza va Temur Kubayevlar
Kino va teatr aktrisasi Dilnoza Kubayeva oilada yagona qiz bo‘lib, ikki akasi va bir nafar ukasi bor. Ukasi Temur Kubayev opasining kasbini tanlagan. U bugungi kunda teleboshlovchi va aktyor sifatida o‘z muxlislarini topish yo‘lida faol ijod qilmoqda. Temur “Daydi qizning daftari” serialidagi Akmal obrazi bilan tomoshabinlar e’tiborini qozongan.
Dilfuza Rahimova va Shahlo Rustamova
O‘zbekistonda xizmat ko‘rsatgan artist Dilfuza Rahimova hamkasbi bilan ovsin bo‘lgan. U va xonanda Shahlo Rustamova farg‘onalik aka-ukalarga turmushga chiqqan.
Xosiyat Husanova va Jahongir Teshaboyev
Foto: Instagram
O‘zbekistonda xizmat ko‘rsatgan artist Xosiyat Husanova yolg‘iz qizini yosh aktyor Jahongir Teshaboyevga turmushga bergan. Bu aktyor tomoshabinlarga “Qadam” serialidagi salbiy roli bilan yaxshi tanish. Hozirda juftlikning bir yoshli o‘g‘illari bor.
Zuhra Ashurova va Madina Muxtorova
Foto: Instagram
O‘zbekiston xalq artisti Zuhra Ashurova hamkasbi Madina Muxtorovaga kelinoyi hisoblanadi. Ya’ni Zuhra Ashurovaning turmush o‘rtog‘i Qahramon Ashurov Madina Muxtorovaning akasi.
Aziza Begmatova va Izzat Shukurov
Xonanda Izzat Shukurovning otasi bir paytlar mashhur “Toj” guruhining solisti bo‘lgan Tojiboy Shukurov ekani barchaga ma’lum. Ammo Izzat Shukurovning ona tomondan buvisi O‘zbekiston xalq artisti ekanini ko‘pchilik bilmasligi aniq. U o‘zbekning chechasi bo‘lgan aktrisa Aziza Begmatovaning suyukli nabiralaridan biri hisoblanadi.
Zarina Nizomiddinova va Kamola Oripova
Foto: Instagram
Instagram’da millionlab kuzatuvchilariga ega bloger Kamola Oripova aktrisa Zarina Nizomiddinova bilan xolavachcha hisoblanadi.
Oybek Sultonov va Shahzod Sultonov
Foto: Instagram
Yoshlarning sevimli aktyori bo‘lgan Shahzod Sultonov bir paytlar “Zilola” qo‘shig‘i bilan tanilgan xonanda Oybek Sultonovning o‘g‘li.
Ismoilovalar oilasi va Baxtiyor Yusupov
Foto: Instagram
Mahmud va Shohida Ismoilovalarning uch nafar qizlari bor. Ularning kuyovlaridan biri O‘zbek Milliy akademik drama teatrining aktyori Baxtiyor Yusupovdir.
Javlon Shodmonov va Rashid
Foto: Instagram
“Via Marokand” guruhi xonandasi Rashid prodyuseri Javlon Shodmonovning qaynukasi bo‘ladi. Garchi Rashid ishda qarindosh-urug‘chilikka yo‘l qo‘yilmasligini ta’kidlasa-da, uning guruhga qabul qilinishi shunchaki tasodif emas.
Davron Kabulov va Jamshid Umarov
Foto: Instagram
Davron Kabulov “Afro‘z” guruhi xonandasi Jamshid Umarovning bojasi bo‘ladi. Jamshid oilaning to‘ng‘ich qiziga, Davron Kabulov esa kenja qiz E’zozaxonga uylangan.
Munavvara Abdullayeva va Dildora Umarova
Foto: Instagram
“Alpomish” filmidagi Oybarchin roli bilan tomoshabinlarga tanish bo‘lgan aktrisa Dildora Umarova O‘zbekistonda xizmat ko‘rsatgan yoshlar murabbiyi Munavvara Abdullayevaning qizi hisoblanadi. U aktrisalik faoliyatidan tashqari, onasi singari yosh iste’dod egalariga saboq beradi.
Diyor Bekjonov va Jahongir Xo‘jayev
Foto: Instagram
“Aristokratlar shou”si bilan tomoshabinlarga yaxshi tanish bo‘lgan Diyor Bekjonov do‘sti Jahongir Xo‘jayev bilan munosabatlarini yanada mustahkamlash maqsadida uning xolavachchasi bilan oila qurgan. Bundan ayonki, Bekjonovlar va Asalxo‘jayevalar oilasi qudalar hisoblanadi.
Munisa Rizayeva va Parizod Bo‘rixo‘jayeva
“Tohir va Zuhra” filmida Zuhra obrazini ijro etib, tomoshabinlar mehrini qozongan aktrisa Parizod Bo‘rixo‘jayeva Munisa Rizayevani tog‘asining rafiqasi hisoblanadi. Parizod Bo‘rixo‘jayeva ayni paytda 4 farzandning onasi. Aktrisa chaqaloqlarni suratga tushirish bilan shug‘ullanadi.
Parizod Bo‘rixo‘jayeva 141 ming kuzatuvchidan iborat Instagram sahifasiga qaynsinglisi Munisa bilan tushgan suratlarini tez-tez joylab turadi.
Ozodbek Nazarbekov va Yorqinxo‘ja Umarov
Yorqinxo‘ja Umarov 2023-yilda Ozodbek Nazarbekovning qizi Zinnuraga uylandi hamda madaniyat vazirining kuyoviga aylandi.
Izoh (0)