Aktrisa Kim Yashpal nafaqat iste’dodi, balki o‘zining betakror qiyofasi tufayli ham ijodida biroz bo‘lsa-da muvaffaqiyatga erishgan. Mitxun Chakraborti bilan ijodiy hamkorlikda rol ijro etgan aktrisa rejissyorlar tomonidan ham yuqori baholangan edi.
Foto: Cosmopolitan
Yashpal 1960-yil aprel oyida san’at olamiga aloqador bo‘lmagan oilada dunyoga kelgan. Uning bolaligi Angliyada o‘tgan va u yerda tillarni chuqur o‘rganish bilan shug‘ullangan. Bollivudni zabt etish maqsadida 1974-yil ota-onasining ko‘magi bilan Hindistonga kelgan va karyerasini modellikdan boshlagan. O‘sha paytdayoq Yashpal aktrisa bo‘lishni xohlardi, ammo bu oson bo‘lmagan.
Foto: Cosmopolitan
Shuningdek, Yashpalning homiylari bo‘lmaganligi uchun ham uning qobiliyati dastlab tan olinmagan. Uning taqdirida keskin burilishlar mahoratli aktyor Denni Denzongpa bilan uchrashuvdan keyin sodir bo‘lgan. Yetti yil davomida u nafaqat Yashpalga do‘st, balki sevikli yor va homiyga ham aylangan edi. Shundan so‘ng aktrisa filmning bosh roliga taklif qilina boshlangan. Ammo ijoddagi ishlar hamisha ham ko‘ngildagidek kechmagan, aktrisaning kamchiliklari tufayli hech kim Denni bilan to‘qnash kelishni xohlamagan.
Foto: Cosmopolitan
Shuningdek, birgalikda ishlash jarayoni ham oson kechmagan. Chunki aktrisaga ma’lum loyihalarda ishtirok etish to‘g‘risida uning sevgilisi qaror qabul qilar edi.
Foto: Cosmopolitan
Yashpal sevimli qahramoni — Rita Oberoyning obrazini yaratgandan so‘ng unga mustaqil ijodkor sifatida e’tibor qaratila boshlagan. Film namoyishidan so‘ng Yashpal va Chakraborti juftligi ko‘plab muxlislarning e’tiborini tortgan.
Foto: Cosmopolitan
Denzongpa hamisha uni qo‘llab-quvvatlashiga qaramay, aktrisaning karyerasida yangi loyihalar kamligicha qolavergan. Aktrisada jonli his-tuyg‘ular yo‘q ekanligi tanqid qilingan, uning himoyachisi sifatida taniqli odamni ro‘kach qilganlar ham topildi va suratga olish maydonchalarida uning o‘rnini boshqa aktrisa bilan almashtirish holatlari ham yuz bergan. 
Foto: Cosmopolitan
Denni va Yashpal ajralgach, uni deyarli hech kim kinolarga taklif qilmagan, hamisha yangi chehra bahonasi tufayli rad javobi qaytarilgan. Do‘stlik yuzasidan Chakraborti uni o‘z filmlariga taklif qilganida esa aktrisaning sog‘lig‘idagi muammolar tufayli tanaffus qilishiga to‘g‘ri kelgan. 
Foto: Cosmopolitan
Yashpal ishtirokidagi so‘nggi “Kuchli erkak” filmi 1992-yilda namoyish etilgan. Shundan so‘ng aktrisa qayta ekranlarda ko‘rinmagan. Aktrisaning yopiq turmush tarzi tufayli u haqida boshqa ma’lumotlar aniq emas. Shuningdek, u ijtimoiy tarmoqlardan foydalanmaydi, hech qachon oilaviy sharoiti haqida izoh bermagan. U sevimli kasbi yo‘lida ko‘plab qiyinchilik va to‘siqlarga duch kelaverganidan charchagan holda san’atni tark etgan.
Foto: Cosmopolitan
Izoh (0)