Namanganda birinchi xalqaro avtofestival boshlandi (video)

Namanganda birinchi xalqaro avtofestival boshlandi. Bu haqda “Daryo” muxbiri Azizbek Abduvaliyev xabar bermoqda.

Tadbir Namangan xalqaro aeroportidan shahar markaziga yo‘l olgan avtoparad bilan start oldi.

100 dan ortiq turli rusumdagi avtomobillar “Afsonalar vodiysi” bog‘i tomon yo‘l oldi. Ularni shahar aholisi va mehmonlar olqishlar bilan kuzatib qo‘ydi.

“Afsonalar vodiysi” bog‘ida festivalning rasmiy ochilish marosimi bo‘lib o‘tdi. Viloyat hokimi Shavkat Abdurazzaqov ishtirokchilarni qutlab, ularga muvaffaqiyat tiladi.

Festival doirasida retro, sport va tyuning qilingan avtomobillar ko‘rgazmasi, avtoustalar bellashuvi, drift tomoshalari, karting musobaqalari, mashina ehtiyot qismlari yarmarkasi hamda konsert dasturlari bo‘lib o‘tmoqda.

Tadbirda nafaqat poytaxt va viloyatlardan kelgan ishtirokchilar, balki Rossiya, Qozog‘iston, Tojikiston va Qirg‘iziston vakillari ham qatnashmoqda. Shuningdek, ijtimoiy tarmoqlar orqali muxlislarga tanish bo‘lgan avtoblogerlarning chiqishlari ham kuzatildi.

Mutasaddilarning bildirishicha, tadbirga qiziqish katta bo‘lgani sababli festival avval rejalashtirilganidek bir kun emas, uch kun davom etishi ko‘zda tutilmoqda. Uning yakunida faol ishtirokchilar 32 ta yo‘nalish bo‘yicha diplom va sovg‘alar bilan taqdirlanadi.

Namanganda birinchi xalqaro avtofestival boshlandi (video)

Izoh (0)

Mavzuga doir

Daryo.uz | Sizning muammoingiz yechimi