Tilla suvi ichishdan mumiyolashgacha: Insonlar abadiy yashashga uringan beshta yo‘l

O‘limni yengish maqsadida tilla suvini ichgan, birovning qonini o‘ziga quygan va turli mo‘jizaviy ichimliklardan najot izlagan, ajalga chap berishga uringan odamlar haqida ko‘plab hikoyalar bor. Ularning qahramonlari ko‘pincha boqiy hayotni topish o‘rniga bitmas-tuganmas azob-uqubatlarga giriftor bo‘lishadi. Hozircha hech kim o‘limni yenga olgani yo‘q, shunga qaramay abadiy yashash, hech bo‘lmasa umrini ma’lum muddatga bo‘lsa ham uzaytirish umidida turli g‘ayrioddiy yo‘llarni sinab ko‘rishdan toymayotganlar haligacha uchrab turibdi.

“Men qarishga qarshi tibbiyotni insoniyat tarixidagi eng qadimiy kasblar orasida ikkinchisi deb hisoblayman. Odamlar ming yillardan beri qarishga qarshi dori-darmon vositalarini sotish bilan shug‘ullanib kelmoqdalar”, deydi Illinoys universiteti epidemiologiya va biostatistika professori S. Jay Olshanskiy.

Xo‘sh, turli madaniyatlar va tarixiy davrlarda odamlar umrini uzaytirish yoki o‘limga chap berish uchun qanday usullarga murojaat qilishgan.