AQSh prezidenti Donald Tramp o‘zining Truth Social ijtimoiy tarmog‘ida Manhetten hududiga kirish uchun belgilangan to‘lovni bekor qilishini ma’lum qildi. Avvalroq tirbandlikning oldini olish uchun Nyu York markaziga avtomobilda kirish pulli qilingan edi.
“Tirbandlikning oldini olish uchun belgilangan narxlar bekor bo‘ldi. Manhetten va butun Nyu York qutqarildi. Yashasin qirol!”, deb yozdi Tramp.
AQSh transport vaziri Shon Daffi Nyu York gubernatori Keti Xokulga maktub yo‘llab, Tramp qarorini bekor qilishni so‘radi. “Bu qaror ishchilar sinfi va kichik biznes egalariga zarba”, deb atadi Daffi.
Shundan so‘ng Oq uyning Instagram va X (sobiq Twitter) akkauntlarida Time jurnalini eslatuvchi, ammo Tramp deb nomlangan jurnal muqovasida Trampning toj kiygan illyustratsiyasi joylashtirildi.
Federal hukumatning qarori mahalliy hokimiyat organlarining keskin tanqidiga sabab bo‘ldi. Gubernator Xokul Tramp ma’muriyatining harakatlarini “mantiqsiz” deb atadi va dasturni saqlab qolish uchun sudda kurashishga va’da berdi. Transport vazirligi buyruqni bekor qilish uchun federal sudga murojaat qildi.
“Biz qirol tomonidan emas, qonunlar bilan boshqariladigan davlatmiz. Transport vazirligi ushbu muhim dasturni saqlab qolish uchun Nyu Yorkning janubiy okrugida sudga murojaat qildi. Sudda ko‘rishguncha”, dedi Xokul Trampga qarata.
Izoh (0)