Amerikaning mashhur Time jurnali jamoasi an’anaviy ravishda har yili so‘nggi bir yil ichida turli sohalarda yuqori cho‘qqilarga erishgan eng nufuzli erkak va ayollar ro‘yxatini e’lon qiladi. Bu yil nashr 13 nafar go‘zal jins vakilini “Yil ayoli” deb topdi, ular orasida mashhur aktrisa Nikol Kidman ham bor, deb yozadi Time.
San’atkor nafaqat eng nufuzli ayollar ro‘yxatida, balki nashrning Instagram’dagi rasmiy sahifasida ko‘rsatilgan jurnal muqovasida ham paydo bo‘ldi. Kidman 2002-yilda “Soat” filmidagi bosh roli uchun Akademiya mukofotiga sazovor bo‘lgan birinchi avstraliyalik aktrisadir. Shuningdek, u beshta “Oltin globus” sovrindori hisoblanadi.
2017-yilda yulduz har 18 oyda kamida bitta rejissyor bilan hamkorlik qilishga va’da bergandi. O‘shandan beri u ayollar tomonidan yaratilgan 19 ta film va teleloyihada prodyuser va aktrisa sifatida ishtirok etgan. Bu Gollivuddagi muvozanatga ta’sir qildi va ayollar uchun ko‘proq ish o‘rinlari yaratadi.
Odamlar “Sen super ayolsan”, deyishadi. Lekin menga bu gap yoqmaydi, deydi Nikol Time nashriga bergan intervyusida.
Amerika jurnalining “Yilning 13 ayoli” ro‘yxatiga Kidmandan tashqari, mashhur sportchilar, qo‘shiqchilar, aktrisalar, ijtimoiy muammolarni hal qilish bilan shug‘ullanuvchi faollar hamda shaxsiy fojialarni boshdan kechirib, favqulodda harakatlarga jasorat ko‘rsatgan oddiy ayollar ham kiritilgan.
Bular orasida Olimpiya gimnastikachisi Jordan Chaylz, biolog Purnima Devi Barman, basketbolchi A’ja Uilson, aktrisalar Anna Savoy va Oliviya Mann, faollar Amanda Zuravski, Fata Baldeh, Rakel Uillis va Jizel Peliko, qo‘shiqchi Laufey, shuningdek, kompaniyalar rahbarlari Kler Babino-Fontenot va Lora Modi bor.
Ular AQSHdagi ochlik muammosi ustida ishlamoqda, ayollarni ko‘krak bezi tekshiruvidan o‘tishga undamoqda, zo‘ravonlik qurbonlariga yordam bermoqda.
Izoh (0)