Rossiya prezidenti Vladimir Putin 19-fevral kuni rus armiyasi Kursk viloyati chegarasini kesib o‘tib, Ukraina hududiga kirgani haqida bayonot bergandi. Ukraina mazkur bayonotni inkor etdi. Bu haqda Deutsche Welle xabar berdi.
Putinning Rossiya qo‘shinlarining keng ko‘lamli hujumi haqidagi ma’lumotlari yolg‘ondir, deya ta’kidladi Ukraina hukumati huzuridagi Dezinformatsiyaga qarshi kurash markazi rahbari Andrey Kovalenko.
Uning so‘zlariga ko‘ra, Rossiyaning qo‘poruvchi-razvedka guruhi Kursk viloyatidan Ukraina hududiga kirishga muvaffaqiyatsiz urinish qilgan va yo‘q qilingan. Bundan biroz oldin Putin rus askarlarining Kursk viloyati orqali Ukraina hududiga kirganini e’lon qilgandi.
Menga atigi bir soat oldin yetkazilgan eng so‘nggi ma’lumotga ko‘ra, bugun tunda 810-brigada jangchilari Rossiya Federatsiyasi va Ukraina chegarasini kesib o‘tib, dushman hududiga chiqishdi. Butun jangovar to‘qnashuv chizig‘i bo‘ylab bizning qo‘shinlarimiz hujumga o‘tmoqda, degan edi Putin.
Ukraina Qurolli kuchlari bosh shtabi ham Putinning bayonotlarini rad etmoqda
Shtabning 19-fevral kungi dolzarb hisobotida Rossiyaning Ukrainaga qarshi urushi paytida jangovar harakatlarning Kursk yo‘nalishi haqida ham so‘z boradi.
Kurskda ukrainalik himoyachilar bosqinchilarning uchta hujumini qaytarmoqda, hozirda jami 12 ta jangovar to‘qnashuv qayd etilgan. Ukraina qo‘shinlari butun jangovar to‘qnashuv chizig‘i bo‘ylab va front ortida dushmanni holdan toydirmoqda, deb yozdi Bosh shtab Putin bayonotidan keyin.
Hisobot e’lon qilingan vaqtda Ukraina Mudofaa vazirligi va Ukraina Qurolli kuchlari bosh qo‘mondoni Aleksandr Sirskiy tomonidan rasmiy izoh berilmagan.
Izoh (0)