Dubay hukumati shaharni obodonlashtirish va uni ulkan yashil hududga aylantirishda davom etmoqda. Diller Scofidio + Renfro arxitektura byurosi Dubayda dunyodagi eng baland kurort barpo etishga qaror qildi.
Therme Dubai — Islands in the Sky loyihasi 100 metr balandlikdagi sog‘lomlashtirish majmuasi bo‘lib, 2028-yilda Zabeel Park’da ochilishi rejalashtirilgan. Loyiha qiymati 2 milliard dirhamdir. Bino yiliga 1,7 million mehmonni qabul qilish imkoniyatiga ega bo‘ladi. U 2024-yilning eng noodatiy osmono‘par binolari o‘ntaligiga kiritilgan One Zaabeel binosi yonida joylashadi.
Ayni paytda Diller Scofidio + Renfro byurosi loyihaning ilk suratlarini taqdim etdi. Therme Dubay’da osmondagi orollarni eslatuvchi osma botanika bog‘lari, terrasalar va hovuzlar kabi innovatsion dizaynerlik elementlari mavjud. Unda kamida 200 turdagi o‘simliklardan iborat boshqa bog‘lar ham quriladi. Ekologik masʼuliyatni ham eʼtiborga olib, hovuzlarda ishlatiladigan suvning 90 foizini qayta ishlashni rejalashtirmoqda.
Majmua uchta asosiy zonaga bo‘linadi: “Play” (O‘yin), “Relax” (Dam olish) va “Restore” (Tiklanish). “Play” zonasi oilaviy akvapark quriladi, “Relax” qismida hovuzlar va davolash maskanlarini taklif etadi, “Restore” da esa spa markazi quriladi.
Therme Dubai nafaqat sog‘lomlashtirish, balki turli tadbirlar va konsertlar o‘tkazish mumkin bo‘lgan sahnalarni ham o‘z ichiga oladi. Mehmonlar turli madaniy tadbirlardan bahramand bo‘lishlari mumkin bo‘ladi.
Therme Group asoschisi Robert Hanea ushbu loyiha orqali shahar hayotiga tabiat, suv va madaniyatni integratsiya qilishni maqsad qilganini taʼkidlab, bu orqali insonlarning hayot sifatini oshirish va global sog‘lomlashtirish standartlarini yangi bosqichga ko‘tarishni rejalashtirayotganini bildirdi.
Diller Scofidio + Renfro ma’lumotlariga ko‘ra, Therme Dubai qurilishi 2026-yilda boshlanadi va 2028-yilda yakunlanadi, bu vaqt bunday yirik loyiha uchun juda qisqadir.
Izoh (0)